立即捐款

想法天真就睇吓《Winter on Fire》

想法天真就睇吓《Winter on Fire》

其實我早幾個月已講過,好多人成日話,有200萬人上街,喺第二啲國家,個政府就會倒台,根本係不盡不實嘅說法。200萬人上街個政府會倒台嗰啲,係民主政府,唔落台都會被選票拉落台,倒不如自己落台為政黨止蝕。

唔知點解到依家仲有人講呢啲嘢。咩布拉格之春、八九六四嗰啲我唔講,剩係講近月好Hit嘅《Winter on Fire》,講烏克蘭在2013年至2014年冬季爆發的親歐盟反俄示威運動,睇過都知,百萬人上街多日,咁又點?最後都係武力升級,用到真槍實彈,九十多日裏,125人死亡,65人下落不明,1890人受傷接受治療,先至成功。更重要是,歷史上也不是死了很多人就會成功。

大家還要留意片尾,運動成功了,俄羅斯卻派遣軍隊協助親俄的分裂主義者,吞併了烏克蘭南部地區,親俄示威擴大至東烏克蘭地區並演變成持續的暴力衝突,衝突中喪生的人數直至紀錄片拍攝完成的2015年,已多達六千人。即係話,套用喺香港,可以假設,就算成功做到五大訴求,中共也可以派間諜來推啲藍絲黑社會嚟同你武鬥死過。

面對極權的戰爭從來係極之艱巨,香港政府背後嘅就係一個極權到不得了嘅政府。然後有啲人成日天真地走出嚟譴責香港人低能,二百萬人出嚟都推唔翻個政府。或者佢哋唔係天真,係有心分化也說不定。