明日香港，將會迎來另一次逾十萬人的大遊行。有年輕一點的朋友問：「係咪會好似零三七一咁？」
No啦。無論聽日點，都唔可以同零三七一比較。零三年的時候，香港經歷了連續幾年的經濟衰退，失業率8.4%。當時流行「食二手飯」，即係冇嘢食的人，去快餐店食其他人食剩的飯餸。失業的，唔想屋企人擔心，會一朝起身出街扮返工。士多賣炭，會加句珍惜生命同埋防止自殺熱線單張。然後又沙士，死了299人。這個時候，大家都想休養生息，董建華就搞廿三條立法，先至爆得出零三七一大遊行。
現在香港，失業率低過三，全民就業。唔理最後遊行有幾多人，今次真係單一議題，都可以民怨爆發到咁，林鄭你勁過董建華囉。
不過呢，有件事如果似我又唔介意。零三七一之後，廿三條撤回。再之後，董建華下台。
（失業率為統計處數字，經季節性調整）