雖然老牌球會帕爾馬已經破咗產兼被罰落意丁的業餘聯賽重新起步，但其實帕爾馬球迷從來無嫌棄過，仍然對球會不離不棄，仲好有情有義，試過自行買番被放上拍賣網站嘅更衣室長凳，再送番比帕爾馬球會；早前帕爾馬新一季嘅季票，開售僅3日就將4382張季票買光，打破埋最快售罄門票紀錄。
雖然帕爾馬球迷能略盡綿力，但對仍負債累累的帕爾馬黎講只係杯水車薪，最近帕爾馬決定將多年來贏得嘅獎杯放到上拍賣網以籌集資金，包括1992年意大利杯、1993年歐洲優勝者杯、1994年歐洲超級杯、1995年歐聯盃、1999年意大利杯、1999年歐聯盃、1999年意大利超級杯、2002年意大利杯。
獎盃重要，但在緊急關頭，再重要的榮譽都不及錢重要，要去到呢個地方，相信只係迫不得已。唔知今次帕爾馬球迷會唔會好似之前咁，合力集資買番所有被拍賣嘅獎盃然後俾番帕爾馬？當係買番個回憶都好啊。
撇除以上一點，單純送長凳同買季票的舉動，帕爾馬完全展現出何謂球隊第12人。做一個球迷，唔單只只係口講要撐，有時係要有實際行動，無實際行動，所謂嘅撐只不過是虛話，就算出很少很少很的力，終究都係力。所謂「你贏，我陪你君臨天下；你輸，我陪你東山再起。」帕爾馬球迷話俾世界所有球迷知，做球迷，就係無論咩情況下都願意同球隊共同進退，咁先叫球隊第12人。