週一 2005-06-13 洛謀

（絕對主觀）簡短版台北（捷運）行推薦

A A A

好，那就應琪的要求，寫一個（絕對主觀）簡短版的台北（捷運）行推薦

在這之前，先說行誠品要注意的地方：
1) 誠品請留在較後的日子去，因為誠品基本上是沒有折扣的，但台北車站附近重慶南路（書店街）基本上每一間書店都有折扣，有就出版社打折扣的，或買滿某個金額以後就有可以即是用的會員証之類，台大附近（公館捷運站）亦有幾間出版社開了門市，在那裡會有折扣。
2) 誠品敦南店雖然是台北市最大間的誠品，但不要以為去了敦南店就不用去其他誠品書店。誠品敦南店由於是最大，去貨量亦較快，有些出了好幾年的書可能會找不到。我現在正在讀的《文化研究：霍爾訪談錄》在台灣已經是絕版書了，我是在誠品西門店找到的。

下面的，我會以捷運站作單位，一個站的距離，基本上不用乘車，行啦！
（好似在香港，你由旺角去油麻地，搭車都嫌浪費時間啦！）
1) 新北投站
在新北投站10分鐘之內的距離，有兩個近乎就在對面馬路的免費博物館：凱達格蘭文化館和北投溫泉博物館，兩個行完加埋唔使兩個鐘頭。前者係一個原住民文化
館，你可以睇到語言點樣成為一個問題；後者係一個公民社會的case study，原本係一個荒廢了的古董旅館，有兩個小學老師帶班學生行field
trip時發現，之後寫信畀有關當局，呼籲佢唔好拆，不如改做博物館。
2) 圓山站
由圓山站行大約15分鐘左右，就可以到達臺北市立美術館。臺北市立美術館係要收入場費的，你無兩三個鐘頭時間都唔建議你去，記得帶住你張學生証，咁你就可
以買學生票（真的，唔使係台灣學生都得！）。同香港藝術館比較，臺北市立的空間運用做得好好多，地方寬敞，無香港藝術館那種侷促感，同埋要讚下佢利用自然
光引進美術館內的優點。在臺北市立，要去逛逛地下的書店，可以買到臺北市立自己出的書。
3) 中山站－台北車站
中山站一出站就有大型百貨公司，要兌錢的可以到百貨公司的information
counter去兌，手續無銀行咁煩，而且匯率好過飯店。由中山站行10分鐘左右，就可以到台北之家。台北之家之前係美國大使的官邸，後來民國政府同埋美
國政府斷交後，官邸就荒廢左。龍應台做台北市文化局局長時，翻新左呢個舊官邸，成為台北之家。台北之家裡面，有一間超迷你戲院，比bc同影藝還要細，但係
選戲不錯，我去的時候就係放《醉畫仙》。在台北之家的戲院睇戲，記得準時入場，開映後十五分鐘就唔畀人入，不過ｄ凳的斜度就唔係幾夠，自己識移位。等睇電
影時，可以去台北之家的cafe飲杯野，氣氛唔錯的，你可以揀坐室內或者室外。台北之家還有一間誠品，在這裡找和電影相關的東西，可能方便過敦南店。
呢張相就係在台北之家的cafe中拍的。
去完台北之家，返落去中山地下街，往台北車站方向，你可以見到地下街可能會有exhibition。沿中山地下街往台北車站方向行，大約20分鐘至30分鐘左右就可以到台北車站，咁你就可以避開地面ｄ咁難避的車。台北車站（捷運站）係一個大站，佢可以link去唔同的線。
4) 中正紀念堂站
由中正紀念堂站行大約10分鐘，就可以到牯嶺街小劇場。牯嶺街係台北一個小劇場的重要演出場地，theatre的size比香港AC的麥高利大一點點，對劇場有興趣的朋友不能錯過。在牯嶺街，你可以拿到不少表演藝術的宣傳單張，即使你無時間去睇，去拿一些都不錯。
5) 公館站－台電大樓站
公館站一出站，就係台大。台大對面馬路有唔少出版社開左書店，好似桂冠咁，要找佢地出版的書，在這裡的書店會有折扣。沿著新生南路三段走，有兩間有特色的
書店要推介：台灣e店同埋女書店。前者賣同台灣本土意識有關的書，如果你想找一些台灣本土運動或者台語文學的書，台灣e店會係你首選，佢有ｄ書係連誠品都
無的。讀比較文學同埋文化研究的朋友，就不能錯過女書店了，女書店係主要賣同Gender Studies, Gender and
Sexualities, Queer
Studies等性／別議題有關的書店，唔少文化研究有關的書籍，例如關於Post-colonialism的書，都可以在女書店找到。去到女書店，個
feel會好像你在香港行二樓書店咁warm，佢地自己都有出版書刊的，女書／女抒系列在女書店會有折扣。再沿著新生南路三段行，大約15分鐘左右，你就
可以見到紫藤廬－－一個古蹟＋文化場地＋茶室。由新生南路三段行返出羅斯福路三段，向住台電大樓站方向，喜歡電影和音樂的朋友，有兩間cafe都肯定會喜
歡。Lumiere
Caffe貼滿左咖啡店老闆從外國帶回來的電影海報；挪威森林就貼滿左好多六七十年代rock-n-roll歌手的poster。兩間cafe都好有文化
氣息。在公館站－台電大樓站一帶，有唔少不同類型書店，還有一些二手書書店，值得花時間逛一逛。
Lumiere Caffe 挪威森林
6) 善導寺站－台北車站－西門站
在善導寺站走15分鐘左右，就可以到華山藝文特區。華山藝文特區由舊酒廠改成，門口有句很正的話：嚴禁就地死亡。從善導寺車站往台北車站走15分鐘左右，
可以到達臺北國際藝術村，有點兒像香港的Arts
Centre，所以最好就到佢有exhibition。臺北國際有一間餐廳，有時夜晚會有演出，佢ｄ花茶很好飲，還可以免費添飲。
在臺北國際藝術村的餐廳飲花茶
由台北車站往西門站方向，重慶南路一帶書店林立，佢地基本上都係有discount的，有base
on出版社discount，有買滿一定數量後就discount的。佢地好多都開得幾夜，9點10點才關門，建議先行左一次再決定邊本書去邊間書店買。
在重慶南路附近的博愛路有郵局，買完ｄ書就在此寄回香港，一次最多可以寄20kg，郵局有箱賣，所以唔使愁。我上次寄左19.8kg，寄空郵的。空郵約
NT$1600，一個星期到；平郵約NT$1050，不過要一個月才到香港。為保險計，又唔係真係差太多，都係寄空郵。西門站附近有三間誠品：誠品西門店
上面有間臺北人咖啡，我去的時候，佢地同書店做緊promote，在書店買了書後，憑收據到cafe飲野，可以獲買一送一的優惠。在西寧南路上面，有兩間
大型CD舖，而西門町一帶都有唔少較小型的CD舖：要找台灣電影的朋友注意了！蔡明亮的舊作的DVD都係NT$99一隻，在香港買一隻歐洲版蔡導碟的價
錢，在台灣可以買三隻。新光影城係西門町一間好大的電影院，我去的時候正在做動畫展。在西門捷運站一出站，就係對住紅樓劇場，紅樓劇場有ｄ似香港的牛棚，
由古蹟改成。
紅樓劇場的cafe，花茶冇臺北國際咁好飲，但係氣氛唔錯
如果你的飯店在台北車站－西門站一帶，夜晚由想不到去哪兒的話，其實可以早少少返過來台北車站－西門站，逛逛書店，或者看看午夜場，甚至在這
兒買些小食做手信應酬屋企人。不過，就千祈唔好去西門町那些路邊咖啡室飲那些NT$60以下的咖啡，實在太難飲，而且又無氣氛可言。