【獨媒報導】宏福苑五級火發生至今半年，陳先生今日回到父母居住的宏建閣的單位，怒斥政府長遠安置方案未有顧及退休長者的困境：「樓換樓如果想有個大少少嘅單位，好彩抽到嘅話，你都仲要補錢，佢啲錢喺邊度嚟？你叫佢哋供？上唔到會。有錢出去租屋住，咁嘅年紀有無人租畀你呀？」

陳先生今日與朋友再次返回宏福苑，到父母宏建閣高層的單位，取回上次漏帶的物品，包括父親的電腦和雙親的衣物。他指單位完好，狀態跟日常回家無異，惟父母暫居過渡性房屋空間有限，亦不想辛苦上樓幫忙的朋友，因此放棄取回傢俬。

他形容長遠方案有如懲罰不願售業權的居民，批評當局欠同理心，「可能佢哋間屋無被人燒過，可能佢哋間屋被人燒過就會有同理心，如果係咁嘅話，我都希望佢哋間屋被人燒吓。」

被問到大火發生半年來的感受，陳先生稱既憤怒又疲累，包括分析文件是否有「魔鬼細節」。他慶幸有一班高質素街坊提點和支援，互相交流意見，感激街坊臥虎藏龍，「估唔到依家宏福苑有咁多勁人喺度」。

黃小姐

（獨媒報導）全港首個多元性向文化節目《自己人》，2006年於港台啟播，至2023年8月停播，改於網上進行。《自己人》原定本月底重回大氣電波，於新城電台播出。不過在上周三（5月20日）收到煞停節目的消息。節目上周四直播回應事件，主持梁兆輝明言，不敢揣測叫停原因。

《自己人》是於上星期在社交媒體公布復播失敗的消息，在聲明指「平台是人家的，任何反覆的決定也無權左右，唯有堅守自己僅餘的渠道，繼續發聲。承蒙各位體諒。」

同日晚上，《自己人》在節目中再次回應事夫，本身是資深節目主持的梁兆輝表示，去年重回新城電台工作，未有想過再做《自己人》。今年四月時，有天在等候藝人訪問期間，時任新城行政總裁馬浚偉問他：「如果開番《自己人》節目做唔做？」梁兆輝想了兩秒後回答：「做啦！」

梁兆輝續指，當時因應各主持的檔期問題，向新城台長程凱欣提議六月才正式開咪，但馬浚偉則認為五月較好，「6月唔吉利」。

【獨媒報導】居住宏仁閣18樓李生上周五（5月23日），與哥哥再回到陪伴自己40多年的家，無可奈何當作「人生最後一場世界盃決賽」。李生本身是多年港隊「die-hard」球迷，自言人生最重要是媽媽、太太及足球，惟半年內先後經歷港隊失落亞洲盃決賽周資格、屋企大火及媽媽離世。他稱：「咁唔代表我放棄我嘅人生，我覺得宏福苑嘅街坊、大埔人好tough，佢哋幾咁唔開心都生活緊，見我哋燒咗層樓都返工啦。」

李生雖然對去年11月19日對新加坡的賽果感到失望，但仍沒有改變對港隊的愛，正如大火後的宏福苑一樣，「就算香港隊踢到幾差，宏福苑有幾爛，都係我嘅香港隊，都係我嘅屋企」。不過，41年前在宏福苑萌生的「港隊踢世界盃夢」，他則坦言「等於我返到宏福苑重建個機會難啲，定香港踢到世界盃都難啲呢？我都唔識答，好似似乎兩個問題都係infinity嘅」。

李生最喜歡的球員是尹志強及簡東拿，回家後在家中揮動簡東拿旗幟。

今趟回家當作「人生最後一場世界盃決賽」

【獨媒報導】大埔宏福苑七幢受災大廈今日（5月25日）繼續開放居民上樓執拾。年屆七十的宏福苑第一代入伙業主劉先生，在宏福苑擁有兩個單位，他今日到宏昌閣的高層單位執拾。他與兒子一同到場，不過卻未有打算上樓，指自己年紀大，體力不繼「知道唔係幾適合上去啦」。

劉先生向記者憶述火災當日逃生經過，自覺幸運：「執返條命仔嘅，算係咁，阿彌陀佛啦，感恩 。」他因吸入大量濃煙，一氧化碳中毒，需留院一個月。

嘆業主只能「各自各執生」

面對家園被毀，他表示無言，嘆災後業主只能「各自各執生」，「無嘢好講啦！都冇咗啦個家園，點啫？奈何咩 ？希望妥善照顧下我哋啲業主！好簡單。」被問到會否對單位感不捨，他激動表示感到十分無奈，無可奈何，「奈何啫，捨得又係咁！唔捨得又係咁！好無奈呀！宜家希望以後嘅生活點樣，妥善安排我哋得啦！」

由20樓逃至4樓力竭 勸子先走「消防遲一個鐘我都bye bye」