【獨媒報導】和富九龍城周五移師區內的啟德青年運動場,主場出戰港超聯賽事。「龍城軍」在上半場落後兩球的情況下,下半場連追兩球,以2:2迫和標準流浪。九龍城主教練馮凱文賽後向《獨媒》表示,兩球失球均是球隊大意犯錯:「其實都難踢,被對手lead 住兩球嚟踢,半場返出嚟調整咗好啲,幸運地2:1,呢個係轉捩點。今日發揮係好一般,好坦白講,無藉口,係踢得差。」

九龍城今場由19歲小將鄺天樂把關,隊長迪高、菲律賓外援梅恩斯,及巴西中場米基爾均正選登場。流浪前場則由柏圖、隊長伊巴謙領軍,劉智樂停賽三場今場續缺陣。













