【獨媒報導】今日是宏志閣居民第二輪上樓最後一日，李小姐與家人今早帶蛋糕上樓，慶祝爸爸正日生日。她上樓後向記者分享，一家人回家切蛋糕影相，開窗看風景，但坦言「唔可以話快樂，即係人哋happy birthday，其實唔能夠用happy去形容⋯⋯你問任何一個喺入邊嘅人，佢哋都唔能夠答到你係開心，我哋全部都係唔幸運嘅一群。」

她向記者展示一家人慶生的照片，一家人一起指向牆上的標語：宏福永遠係我地屋企 不捨不棄。

李小姐執拾了兒時在大埔公立學校的校裙，笑說「呢套校服係經典嚟，已經係古蹟，因為佢已經轉咗名，而家連學校都話要搬走嘅時候，對於我哋喺度長大嘅人嚟講，都係一種遺憾，所以真係希望返返去住。」她提到家中仍有不少物品，「其實我哋仲可以返上去住，點解要拎晒落嚟？」

【獨媒報導】宏志閣居民冼小姐一家上周三（5月13日）曾上樓執拾，今日成功向「一戶一社工」申請再獲上樓。冼小姐稱非常開心政府聽取民意，今日會取回爸爸遺物及媽媽嫁妝，笑言「政府終於有聽民意俾我哋上多次樓」，不過她亦指「但係呢政府硬係有少少嘢聽唔到，緊係業主大會啦。」

冼小姐指，不少居民要求「合安」協助舉行開業主大會，討論包括宏志閣需要維修項目、如何釐定維修費、火險賠償是否足夠，以及能否動用善款支付等。

當局稱宏志閣變成「單幢樓」，管理費將十分昂貴。冼小姐則坦言望清楚得知實際費用：「俾我哋知道個數，先知去唔去留㗎嘛，成日都話好貴㗎你哋啲管理費，自己又要搵承辦商、供應商幫你哋做個維修保養，我哋都想知道around大約個價錢，都要有個心理準備。如果我哋confirm咗呢個價錢比到嘅我哋梗係留，但係如果呢個價錢係天價嘅俾唔到嘅，咁我哋再諗吓有啲業主真係俾唔到需要走，到時喺業主大會度，仲好㖭1,984個一次過俾晒意見政府賣定唔賣。」

【獨媒報導】海洋公園的水上樂園，今日（5月16日）結束休園，首日重開。水上樂園在24/25年度蝕逾1.4億，海洋公園主席龐建貽稱，水上樂園於2013年拍板，落成後人流與預想有距離，一直與不同持份者商討，至於會否永久關閉水上樂園，他稱「唔敢完全否定」。

【獨媒報導】宏志閣居民今日（5月16日）繼續獲安排上樓，有居民原本打算把新裝修的單位留給女兒，讓她無後顧之憂，但一場大火令她回到30年前。她傾向接受政府收購，但直言「一時話收一時又話唔收」宏志閣，令她無所適從。

居住在宏志閣25樓的居民袁小姐，單位剛完成裝修，卻遇上無情的火災。她受訪時聲淚俱下說「本身諗住新裝修完，個女又大咗啦等大維修完就會好輕鬆，一場大火又搞到我哋回到30年前，喺過渡性房屋入面煮嘢食都煮唔到，得個電磁爐踎喺地下煮嘢食。」

袁小姐（右）

只帶了行李箱及數個紙皮箱的袁小姐，對於「回家」後打算收拾什麼，她也無從入手，「好多嘢都攞唔到，都係衫同相呢啲簡單嘢」。