【獨媒報導】宏道閣、宏盛閣居民今日上樓執拾，對於政府提出收購業權，宏道閣居民、七旬的黃先生稱「唔洗講㗎啦」：「兩個字，失望！」他形容政府「一隻手壓落嚟」：「你一定要賣個業權俾佢，你唔賣唔得㗎喎，佢係政府你唔係呀嘛，我哋5,000年文化就係官字兩個口呀嘛，呢個5,000年文化嚟㗎嘛，我哋永遠都係講呢個字㗎嘛。佢壓落嚟咪由得佢壓囉，唔係點呀？壓到大家都無氣唞嘅時候咪反囉，哈哈！官迫民反四個字，中國發明㗎嘛，唔係外國發明㗎嘛！」

在大火後，黃先生一家三口獲安排入住過渡性房屋，自言無力租住私樓。黃先生今日上樓執拾，指單位未有受災，他希望將洗衣機帶走，記者指大廈沒有電梯，他就表示：「係囉，要中六合彩囉，如果有得執嘅話。」被問到上樓的心情，黃先生稱「有咩心情大家都知」：「唔洗講啦，廢事講啦，講嚟都無用，都燒咗啦。」

對於政府提出收購業權，黃先生亦稱「唔洗講㗎啦」：「兩個字，失望！」他形容政府「一隻手壓落嚟」：「你一定要賣個業權俾佢，你唔賣唔得㗎喎，佢係政府你唔係呀嘛，我哋5,000年文化就係官字兩個口呀嘛，呢個5,000年文化嚟㗎嘛，我哋永遠都係講呢個字㗎嘛。佢壓落嚟咪由得佢壓囉，唔係點呀？壓到大家都無氣唞嘅時候咪反囉，哈哈！官迫民反四個字，中國發明㗎嘛，唔係外國發明㗎嘛！」

【獨媒報導】居住宏盛閣中層的冼先生今日上樓。他表明，追究對他而言是次要，「我淨係想要返個屋企」。他說自己今年42歲，在宏福苑住了42年，「某種意義上，我同宏福苑嘅關係就係，我入伙，然後我阿媽生咗我出嚟，呢度絕對係我嘅根。」

「我哋有咩下場，我宜家都未知，我嘅家喺封鎖線入面。」「如果政府真係情行先，點解要拆走我屋企、收走我屋企？」冼先生認為 ，很多街坊都不明白政府是否真的「情行先」，抑或他們已被政府視為負累：「如果係，你不如直接同我講，『你哋係一班負累，你哋係一班政府嘅負資產，麻煩你哋躝屍趷路。』你直接啲講，我哋反而容易啲接受，而唔係不停搵藉口，講到好似好大義凜然，講到你哋間屋燒咗就唔值錢，我哋俾個賠償你賣樓，唔賣樓就自己諗掂佢，我哋咩都唔知㗎，我哋只會幫你賣樓。」

他又感嘆，那些「所謂覺得應該要起紀念公園的人」，是否要抹去火災這段歷史：「2025年11月26號，Nothing Happened Here，這裡甚麼事都沒有發生，係咪大家想見到嘅嘢？」他指如果是的話，「咁我只可以講，今日宏福苑，聽日唔知邊度。」

冼先生今日主要想拿走第一次上樓時未能帶走的收藏品。被問到上樓兩次是否足夠，他說：「不如咁講，佢俾返我哋自由上落好過啦，大型物件已經攞唔走。」

【獨媒報導】宏福苑宏道閣及宏盛閣居民獲第二輪安排上樓，宏盛閣居民何小姐上樓前表示，期望可取回已故藝人梅艷芳的CD及卡式帶。除收拾物件外，她亦指會張貼字句於單位，並知悉有機會受到阻疑，但稱仍會「盡做」：「個個街坊都係想原址重建㗎嘛，咁但係我又唔係好明點解『原址重建』呢四個字係唔出得街嘅。其實我哋都問過點解，即係你有咩法例可以阻止我呢四個字呢？我唔明解囉。」

不時到聽證會旁聽的何小姐亦批評當局只一味要求居民賣業權，至今仍未就事件負責，稱：「聽證會都七七八八，亦都差唔多完㗎喇。完全冇一句道歉呀、落台呀、或者負責任。」她對於當局收購業權感到不解，認為應如同市建局提供的樓宇復修服務的做法，讓居民自行尋找承建商重建：「開業主大會你又唔畀，咁原址重建你又唔做，咁你想做乜呢？」

被問及政府近日派出解說員的安排，何小姐就表示火警後仍沿用宏盛閣地址，並租用郵局信箱。不過，解說員多次要求她確認地址，否則不會寄出同意書。何小姐其後就此作出投訴，解說員才寄出文件，因此她於昨日才收到收購同意書。她續指，解說員曾向她表明：「我寄份嘢嚟，你係要簽咗佢，寄返畀我哋嘅。」惟何小姐不解：「我唔賣，我做咩要簽畀你啫。」

【獨媒報導】宏福苑發生五級火當日，80歲曾伯被烈火圍困在宏泰閣31樓的單位，陷入昏迷狀態，至翌日早上被消防員救出，在送入深切治療部搶救3日，留院兩個半月。在半年後，曾伯已靠自己兩度行樓梯重返位於大廈頂樓的家，並與記者有說有笑，憶述當日驚險情形：「消防真係犀利，救一命⋯⋯佢哋真係英雄！」經歷過生死一刻，曾伯豁達看人生指「咩都係整定」，但表示年事已高無力等待重建，並已簽署政府收購業權的建議書，選擇「樓換樓」方案。

宏福苑居民第二輪上樓，人群中見到80歲曾伯剛好路過。他受訪時表示，為尋找身份證及財物，早前勤練行樓梯，已先後兩次步行回到31樓的家。其單位廁所及廚房在大火中盡毀，傢俬佈滿黑灰，幸好貴重物品並無損失。

憶述大火當日猶有餘悸 接朋友來電已身陷火海

在憶述大火當日的情況，曾伯仍猶有餘悸，他當時準備午睡，忽接到居於廣福邨的朋友來電，指宏福苑發生火警。他在屋內察看，驚見火焰已衝入廁所和廚房，隨即關上兩空間的木門，並致電 999。

他按照人員指引躲在睡房，用濕毛巾塞住門縫，再坐在床上呆等：「驚到無得驚，個人好鈍，知道麻煩但無話要走，坐喺度等住，生又好，死又好，無得諗。」