立即捐款
鄺小姐與未婚夫
（獨媒報導）宏泰閣、宏盛閣部分居民今日繼續上樓執拾。鄺小姐與未婚夫居住宏盛閣18樓單位，原本計劃入伙後結婚，大火發生後將婚禮無限期延後。她無奈嘆，延後婚禮是因為要處理先住屋安排：「我哋都go with the flow，我哋搞掂咗目前要搞掂嘅嘢先。」她亦擔心擺放枱面的求婚戒指遭盜竊，不滿事隔多月才安排居民上樓：「如果可以早啲上去，就可以避免好多偷竊嘅情況。」
鄺小姐未收到「一戶一社工」提供單位的相片，但根據聽證會提供的樓宇損毀資訊，她預計屋內情況良好，故帶備多個大袋及氣泡紙執拾。上樓前，鄺小姐感到緊張和忐忑，「因為好耐冇見過屋企，唔知屋企係咩樣」、「越嚟越近就越嚟越緊張，跟住就開始唔係好瞓得着」。
不少居民重走回家的路感觸萬分，鄺小姐亦然：「琴日我哋先討論嗰條路好似生化危機咁，平時你放工返去周圍都係綠油油一片，跟住有好多公園，而家行入去好似廢墟咁。」她又認為政府安排上樓時間不合理，指事前已有大量人員上樓勘察及工作，「點解佢哋上得去，我哋唔上得去？如果可以早啲上去，就可以避免好多偷竊嘅情況」。
（獨媒報導）自宏福苑開展大維修工程，居民的窗戶均被封上發泡膠，令他們不見天日。有入伙近一年的宏泰閣夫婦周六回家收拾，終於第一次看到單位的窗外風景。他們拍下照片留念，並對記者稱「原來我個單位望河真係好靚，就望多幾眼」。他們說，希望下次回家時，可以「當冇事咁，坐幾個鐘」：「始終自己屋企，唔一定要為咗執嘢，我哋返去自己屋企唔需要有任何理由。」
宏泰閣居民葉生葉太今天由義工陪同上樓。葉太表示單位情況比想像中好，但屋內部分地方熏黑，感覺親切又陌生。她表示取回結婚相、兩口子渡蜜月時的有意義物品。
葉先生表示「三個鐘有啲離譜，始終我哋住喺度，又唔係賊。」他說，「如果仲有機會上嚟，我哋可能喺屋企當冇事咁坐幾個鐘。始終自己屋企，唔一定要為咗執嘢，我哋返去自己屋企唔需要有任何理由。」
葉太就表示，希望下次「好似喺個單位住緊咁，坐喺度飲杯水，睇吓個景、睇吓報紙，玩吓手機。真係好似一個普通屋企做嘅嘢咁」。
（左圖）️崔先生今日上午獨自在客廳清理時的情況；（右圖）其單位在周二時的狀況
（獨媒報導）今天是宏盛閣首日開放上樓，有單位全家人回家收拾。宏盛閣居民李先生三兄弟和父母同住，超出4人上樓限額，他直言無奈：「想上去影幅全家福都唔得。」李先生又稱，看到網上評論指宏福苑居民有「著數」，他表示「呢啲唔係著數，呢啲係人不作為嘅後果佢而家要補飛」：「之前我哋俾咗幾多機會？房屋局、屋字署、黃碧嬌、羅曉楓，冇人正面回應。宜家好啦，單嘢搞到咁，168人⋯⋯過咗身，可以係咁嘅態度。」他稱有留意聽證會消息，批評「個個好似射波咁，一句唔理想跟住就諗修例，修乜例啫！冇人問責。我喺寫字樓倒瀉灘水，都會問邊個倒瀉水啦係咪呀。」
李先生單位內照片
一家五口超限額 「影幅全家福都唔得」
（左圖）住宏盛閣10樓的唐家；（右圖）唐太的廁所照片
（獨媒報導）有宏盛閣老夫婦今天和一對子女上樓收拾，他們曾經在火場被困4小時，期間匿藏於廁所，靠開抽氣扇及風扇通風。他們今天回家時向抽氣扇致謝：「望住個抽氣扇講，就係你喇，好彩你頂住。」77歲的唐太上樓前曾指，最希望尋回結婚相，笑言「錢都買唔到，嗰時我咁後生咁靚女」，又看著一旁的丈夫開玩笑說「你唔係，你肉酸你醜怪。」他們最後成功帶走部分結婚照和子女童年照片。
廁所內風扇（受訪者提供）
廁所內抽氣扇（受訪者提供）
宏盛閣10樓居民唐先生和唐太今天和一對子女上樓。77歲唐太上樓後表示，大廈環境惡劣，令她感到頭暈。
陳伯與兒子
【獨媒報導】五一勞動節繼續是宏福苑居民回家的日子，居住在宏建閣居民、年屆七旬陳伯，他原先已登記借用民間組織提供的機械外骨骼上樓，豈料安排臨時取消，最後與兒子撐15層樓梯，回家取回珍藏的玉石工藝品：「 無計，焗住都要上。」他最希望的是，政府能不限次數讓居民再回家執拾。
周五傍晚天色漸暗，記者與警員身後傳來中氣十足的熟悉聲音：「阿sir 辛苦晒，要唔要一支呀？」原來是76歲宏建閣居民陳伯，他在周四上樓執拾後，翌日路過向記者和警員送上益力多。
陳伯向記者送上益力多慰勞
冀不限次數回家取物：嗰啲係災民自己嘅財產
陳伯在家中珍藏大批玉器，周四的時候便與三名兒子行樓梯回到15樓的家，兒子亦成功在限時內來回兩次。不過，他指上樓比預期中輕鬆，能夠一口氣抵達不停步，加上屋企整齊，沒有損失，但仍有部份辛苦搜羅的藝術品未及抬走：「始終屋企住咗幾十年，仲有好多嘢帶唔到走，希望政府畀多次機會我哋。」
【獨媒報導】宏福苑居民今日繼續上樓執拾，居住在宏建閣高層、年逾七旬的吳太在單位內收藏過百件古董，她今午親自上樓，希望能取回老爺留下來的清朝同治年間的花瓶、瓷器、酸枝傢私等。她在落樓時抱住一個碗，向記者表示是清朝瓷器「十二金釵」，並匆忙寄存其他物品。
居住宏建閣在2704室、76歲吳太今日親自上樓。她在上樓前表示，曾因擔心大火燒毁古董至化為烏有，「所以瞓唔到」，亦曾擔心被偷：「希望佢哋唔識嘢啦、唔識貨，攞哂錢財算」。
被問到上落樓梯會否辛苦，吳太就指對回家不感到辛苦，入屋後要「睇吓我啲古董先」、「玉器有冇唔見」，最希望取回清朝同治年間的花瓶、瓷器、畫、酸枝家具、絲綢及香薰等。
家中藏老爺遺留古董 百年歸老後將捐出
由於宏建閣只有一個單位嚴重損毀，吳太未有收到其單位情況相片。不過，她再三強調，家中有百多件古董，希望取回該些具紀念價值，「就算你有錢都買唔到」的物品。
【獨媒報導】宏福苑居民今日繼續上樓執拾，宏建閣住戶范小姐攜同由11歲兒子昨晚繪畫的「我愛大埔宏福苑，這裹是我的家」畫作回家。范小姐上樓後拾回印有自己與兒子公仔的門牌，對此感到高興：「好似一個sweet home咁樣，畀個仔一個安樂窩。」她相信當局會再次安排上樓，期望屆時可帶同兒子上樓，與單位作正式道別。
圖片由范小姐提供
范小姐在收拾後接受訪問，稱慶幸單位未有任何損毁及搜索痕跡：「連消防幫我爆門都爆得非常之好，係可以攞返個鎖頭鎖返個鐵閘」。
在上樓期間，范小姐成功拾回樓契、兒子出世紙、金器、兒子年幼時的手模、腳模及乳齒等，並對取回門牌感到高興。她指門牌原以強力膠固定於門外，同行工作人員小心將門牌拆除。
去年向前夫購回業權 完成轉名4個月後遇上大火
【獨媒報導】宏福苑居民今日繼續上樓執拾，包括宏建閣高層居民。該幢大廈只有一個單位嚴重損毀，對於政府提出收購，有居民稱只能無奈接受，質疑當局公布長遠居住安排時，居民仍未了解大廈及單位損毀情況：「根本嗰陣時都無得做選擇。當公布咗喇，先知道原來得一個單位（被燒毀） ，嗰陣時政府亦都公布咗，嚟緊有咩設施，有咩方案可以做，咁你冇得揀啦。」
蕭先生的父母居住宏建閣25樓，是首批入住宏福苑居民，他今日與六旬母親上樓收拾，七旬父親則不會上樓。他指媽媽才知道物品在家中的位置，希望能取回金器及相簿等。被問會否擔心單位失竊，蕭先生就表示「驚一定驚㗎喇」：「一早都講過有咁嘅機會，不過無人理過啫。」
對於長遠居住安排，蕭先生指本身不支持政府收購業權，認為在沒有其他選擇下，只能無奈接受，因為長者難以等待多年作原址重建：「咁不如你真係攞嗰舊錢慢慢洗，租地方住又好，買地方都好啦。」
蕭先生
公布長遠居住安排時未掌握單位損毀情況
【獨媒報導】宏福苑居民今日繼續上樓執拾，宏建閣居民蘇先生一家四口居住在高層單位，他在落樓執拾後表示，過程中多次被人員有禮貌地催促，稱明白對方只是按程序辦事。有記者問到被催促的感受，蘇生稱「冇咩感受」：「自從大維修後，我個人都冇乜感受。」不過，他慨嘆政府仍以使用「鉛筆」的心態處理事件，抱住「擦咗佢就得」，強調並非所有事都可以擦去，而宏福苑居民最終成為犧牲品。
他們今早在上樓收拾後表示，「想執嘅嘢都執到」，但就要「斷捨離」，主要收拾了具紀念價值的物品，包括小朋友的畢業相。不過，蘇太稱假若有機會，仍希望再次上樓，以執拾其他物品：「電器仲用得嗰啲其實都想攞，不過今日就真係冇攞到。」
質疑未有嚴格監管大維修
蘇先生指出，在執拾過程中曾多次被人員有禮貌地催促，但明白對方只是按程序辦事。有記者問到被催促的感受，蘇生稱「冇咩感受」：「自從大維修後，我個人都冇乜感受。」他指自屋苑大維修要求業主出錢，質疑當局未有嚴格監管，事發至今亦沒人認為自己有問題，只稱「會改善」。
