【獨媒報導】運輸署批准城巴非專營巴士輸入20名外勞,昨日工聯會屬會汽總舉行記者會反對,批評政府出爾反爾。汽總副主席黎兆聰今早在港台節目《千禧年代》稱,城巴一直剝削司機,包括以時薪兼駕駛時才計薪的制度聘請員工,「你搵得人哋笨,人哋梗係唔做你嗰個行業啦」,形成「人手不足」的惡性循環。
汽總稱去年曾警告運物局「輸入外勞就烏紗不保」
工聯會屬會汽總工會第二副主席黎兆聰,引述去年與運輸及物流局局長會面時稱,不容許巴士公司輸入外勞,「根住就叫我唔好講嘢喇」。黎兆聰又稱,當日曾向局長稱「如果他朝有日你哋輸入外勞,咁工會就唔客氣喇,我就肯定你烏紗不保喇」,對方重申不會容許。






