【獨媒報導】2019年7.21元朗事件中,遭白衣人施襲的前立法會議員林卓廷,與6男被控暴動罪,案件今(6日)在區域法院續審。林卓廷供稱,7.21前認知西鐵站較安全,從未發生過大型襲擊,相信「冇人咁大膽走去西鐵站公然打人」,「咁嘅規模,我諗係香港歷史上前所未見。」林指有男子叫他到公園找何君堯,他不認同對方並警告:「過去呢,就準備打交。」林形容對方態度是煽風點火,並認為對方是「覺得自己好勇嘅人」。法官陳廣池質疑:「佢哋覺得自己好勇,你唔話『你咁勇你自己去』?」林略帶激動表示:「咁我咪多一條罪!煽惑佢喎我驚!」林表示其後閘外有數以十計持棍白衣人向其方向靠近,於是擺出停止手勢,想叫「白衣人唔好埋嚟」。林又不斷叫「唔好郁手呀!」,因不想衝突開始,「一開始就好難搞㗎喇。」
林稱不打算換走黑衫:換衫會無私顯見私,且不打算離站






