天主教香港教區榮休主教陳日君樞機、黎智英妻子李韻琴及么子黎順恩
（獨媒報導）蘋果案將在今早10時迎來裁決，大批本地與外媒記者到場守候最新消息，開庭前兩小時亦已有近百人排隊旁聽，惟當中約50人是疑似排隊黨。天主教香港教區榮休主教陳日君樞機、黎智英妻子李韻琴及么子黎順恩在早上約 9時一起到庭。李韻琴步入法院前向記者面露笑容，陳日君則顯得愁眉深鎖。
天主教香港教區榮休主教陳日君樞機
旁聽市民提宏福苑大火 嘆失《蘋果》無人監察社會
60歲的《蘋果日報》忠實讀者陳女士，今天到法院「撐黎生」，稱希望案中被告黎智英有好結果。陳女士旁聽蘋果案相關七成案件，說最擔心黎的健康狀況，每次審訊漫長，「由初初好精神，後尾閉目養神時間越嚟越多。」「我哋聽咗咁多，睇住佢一路一路瘦」，她留意到最後開庭頭幾天有次知悉黎沒有藥食，狀態「特別差，冇乜精神」。已預計黎罪成，希望之後他有機會保外就醫。
陳女士感嘆失去《蘋果日報》後，無人監察社會：「以前佢（《蘋果》）無論社會犯罪，政府施政不當，佢乜嘢都挖出嚟講，咁樣先有得鞭策，有得監管。而家有冇人講？」五年來香港有什麼事件，令她覺得如果有蘋果就好？她說「時時刻刻都會覺得係」，就例如上月發生的宏福苑大火，更令她覺得失去《蘋果》帶來影響深遠，「如果有《蘋果》，或者（前民主黨立法會議員）林卓廷唔係被捕，可能改寫咗。一個自由嘅社會係唔可以冇講真說話嘅傳媒。」
作為忠實讀者，陳女士最深刻是《蘋果》過往每年七一的頭版報道，報紙亦會附上遊行海報，她認為彰顯自由民主價值。陳女士認為，「佢（黎智英）唔需要死喺獄中，已經係烈士」，希望告訴他「我哋一直喺度」。
另外，兩名不願具名的蘋果前員工今晨5時到達，但說今次排隊黨人數比以往多，相信無法進入正庭。他們由審訊開始已到場旁聽，希望表達對黎智英的支持和關心，形容這五年多的心情無奈，慨嘆審訊「好折磨人」。
《蘋果日報》忠實讀者陳女士
＊＊＊＊＊
(10:17) 現時在港就讀社會科學科內地生George，今早7時已前來排隊。他認為今次判刑「好重要」，需要現場見證，又提到早前從新聞報道得知黎的身體狀況漸差，嘆「今日可能係最後一次見到佢」。他指不論任何立場人士均不希望在囚人士受到如此對待，認為「唔應該因為佢（黎智英）而對佢咁差」。
英國領事指政府重視案件 有判詞後將發表聲明
(10:00) 多國領事到場旁聽，包括英國、美國、瑞典、法國加拿大、德國、歐盟代表。英國領事表示黎智英是英國公民，他的案件備受英國政府重視，英方會在判詞刊出後發表聲明。
歐盟駐港澳辦事處副主任高明德Matthias Kaufmann表示關注本港民主派人士和國安法相關案件，他說香港司法制度重視公開、透明，因此今天前來旁聽。他又指歐盟會旁聽全球不同案件，以示關注人權和法治。
（左藍外套）英國領事
（右一）歐盟駐港澳辦事處副主任高明德Matthias Kaufmann
陳朗昇以市民身份旁聽 盼黎智英「千祈唔好死喺獄中」
(09:55) 前記協主席陳朗昇早上8時半到場排隊，他向《獨媒》表示今日以市民身份旁聽，「咁我都冇咗工作，但係都係好關心啦，同埋我做記者嘅時候都有聽過聆訊，所以我都唔想Miss咗呢個環節」。與不少旁聽人士一樣，他非常擔憂黎智英身體狀況，嘆「入到去都應該睇唔到佢好多」；他亦提及以前認識不少《蘋果》記者：「好多行家都關心佢，咁都希望黎生堅持住啦，即係呢個苦杯佢預咗食，都係好痛苦嘅，希望佢捱到，千祈唔好死喺獄中」。
對於判決為香港帶來的影響，陳朗昇先以市民表示，黎智英的《蘋果日報》及對中國民主看法，與不少市民價值觀相近，認為「今次審判唔係淨係審判黎智英一個，係對我哋呢一群自1989年生活過來、對中國民主關心嘅人，咁多年喺香港做過嘢嘅人嘅一個審判」。至於作為傳媒界行家，他則認為《蘋果日報》有別於其他媒體，稱「有時文筆方面行得比較前啲，但係我認為依然都冇超出我哋理解嘅言論自由範圍，都係一個講嘅方法，咁冇理由講係要帶嚟任何嘅刑事責任」。
前記協主席陳朗昇
讀者讚蘋果革新、反映市民心聲
(09:30) 自《蘋果日報》創刊起就是讀者的黃先生清晨六時許到場排隊。他說《蘋果日報》代表其盼望民主自由的心聲，亦難忘該報「革新、走得好前，報道真相，反映大部份市民心聲」；他至今無法接受黎智英和《蘋果日報》公司被控違反國安法。
看著案件發展，黃先生心情沉重，說黎智英一直還押違反普通法無罪假定原則，「好唔應該」。但他也深刻記得黎智英自辯「好有力量」，能表達自己看法。「希望佢身體健康，支持住，雖然冇乜期望，但希望有奇蹟出現」。
(09:06) 旁聽人士隊伍中，不少人都手持着蘋果。曾是社民連成員的曾健成（阿牛）說：「每日都有希望嘅，希望黎智英早日釋放，佢都78歲啦，所以呢個蘋果都中晒箭㗎啦」。他坦言擔憂黎智英身體狀況，指黎已是年屆78歲的老人家，已被單獨囚禁約4年，嘆「我都坐過七個月，坐監嘅滋味唔好受，尤其是單獨囚禁更加困難」。他又提及前社民連成員劉山青曾在內地監禁10年，「佢出到嚟係唔識講嘢，因為佢隔籬左右都冇人同佢講嘢」。
曾健成（阿牛）
同樣在《蘋果》創刊時已是讀者的Simon亦手持蘋果到場排隊。他憶述當年「兩蚊仲派蘋果喎」，又表示一直有旁聽黎智英審訊，對於即將有裁決的心情難以形容，「不論結果如何點，大家都希望盡快有個了結，因為任何嘅延續都對佢唔公平」。他又指大家都關心黎智英身體狀況，稱「牙齒係一個訊息，係一個身體崩潰嘅訊息」，僅盼黎身體健康。
社運人士雷玉蓮（蓮姐）及101歲的「大黄伯」亦帶了蘋果及提子等生果到場。蓮姐稱剛到埗已被警員截查，警員向她指蘋果需放在膠袋中，不准展示。對於裁決，雷坦言感到不樂觀，稱作為佛教徒，只能萬事隨緣，又指「 大家都知道結果會係點樣」，望黎智英家人保重。
社運人士雷玉蓮
「陳伯」陳基裘則在今早約8時45分到達。他指對案件感到無奈，也沒太多話可說：「在灰暗天空裏面，我只有祝願黎先生身體健康。」
(08:30) 早上近8時，距離開庭裁決尚有兩小時，西九龍法院外已經逼滿記者，多間本地電視台和國際通訊社嚴陣以待，準備進行直播。警方在法院正門口外劃出兩個傳媒區域，要求所有記者站在區內。排隊輪候旁聽者則有近百人。
駛入法院停車場的私家車，包括司法機構職員和裁判官的車輛，都要經過警方用儀器掃描車底及車身。