【獨媒報導】港台傍晚上載電視節目《視點31》的完整版，節目有不少火花。藝人「玻璃朱」朱庭萱稱，「我自從撐警之後，所有 KOL job 無晒。」她表示，不少撐警藝人在表態後遭到打壓，「無晒 job，你去鬧，鬧廣告商，我哋真係無晒嘢做⋯。」盧覓雪則回應指，阿布泰百貨和 Chickeeduck 出事後便遭到黃營大力「懲罰」，反問「點解藍營啲人又唔懲罰吓啲藍嘅呢？」
朱庭萱稱藍營低調、和平：我哋淨係想搵食
朱庭萱表示屬性格問題，藍營的人較低調及和平，「嗰班人淨係搵食。」主持人不禁插咀稱「買嘢都好和平㗎。」
朱庭萱發火斥，黃營搞了所謂的革命，但藍人只想香港繁榮穩定、和和平平搵食，「你話我哋港豬，但我哋淨係想搵食！我哋性格係咁。」
她又表示，藍人不會針對黃營，如在 Facebook 派嬲嬲和報食環署，「我哋唔做呢啲，我哋淨係想搵食。」
港台昨日只轉播出頭7分鐘的剪輯版本，節目討論電視娛樂節目的社會責任。朱庭萱表示，不建議藝人作政治表態，認為會得失另一方的觀眾。
港台一日後始上載完整版
港台晚上完成「審查」，並在《視點31》的 Facebook 專頁播出的完整版中，盧覓雪表明不同意，表示任何人都可以在政治上表態，屬於自由和人權，重申捍衛任何人的表達權利。她提到，自己認識不少藍色藝人，但亦沒有和他們割席，「我同我自己交代咋嘛，我同邊個交朋友或者盛。」
然而，盧覓雪認為，藍黃各自表態後的待遇卻有不同，如杜汶澤、何韻詩等，「你見到佢哋就好陰公，明明就好哋哋，但突然間好多嘢就變晒。」朱庭萱隨即稱，在撐警後失去了不少工作。
朱庭萱狂呻藍營遭欺凌
在節目尾聲，朱庭萱又發難，稱網絡欺凌嚴重，尤其以TVB的藝人最為嚴重。盧覓雪不同意，「佢唔落廣告你就話欺凌，講不過去囉。」朱庭萱認為是事實，包括在 Facebook 對廣告商派嬲，再次稱「啲藍人唔會欺凌啲黃人」，盧覓雪嘲「因為佢哋唔識係網上世界做嘢啫班人，嘿」，重申源起於社會存在好多不信任、怨憤和仇恨。
朱庭萱斥「咁關藝人咩事呢？」盧覓雪冷諷回敬，「咁呢個關社會嘅錯囉」，重申黃營同樣遭到欺凌，及不能不看事件的前半部，即反送中運動所發生的事。
相關報導：
朱庭萱狂轟《ERROR自肥企画》屬朋輩欺凌 盧覓雪：Game show 嚟㗎嘛
朱庭萱稱撐警因同路人太少 「我都唔出嚟撐，就覺得佢哋好可憐」