【獨媒報導】前年7.21元朗站白衣人襲擊事件，7名白衣人暴動及有意圖而傷人罪成，其中判囚7年的鄧懷琛已就刑期申請上訴。「珍惜群組」召集人李璧而、「華記正能量」楊官華等人今日於元朗西鐵站、東頭村外召開記者會，指要還原真相。期間有村民自爆7.21當晚有份襲擊途人：「我有份打㗎！」楊官華見狀馬上促該村民離開：「喂大佬，你唔好講出嚟」，又指對方「可能飲咗酒」、「啱啱瞓醒」。
記者會於7.21事發地點元朗西鐵站、東頭村外路邊舉行。他們掛起寫有「沉冤待雪」的紅字白布、「重判不公 誓求平反」的橫額，期間有數名軍裝警員及便衣在場戒備，並拍攝整個記者會過程。在採訪通知中表明會「案件重演」，惟最終全程只有李璧而及楊官華發言。
李璧而
李璧而：元朗人唔係黑社會
「珍惜群組」召集人李璧而先帶一眾記者「導賞」，由元朗西鐵站G出口步行至東頭村外與楊官華會合。她指當民主黨林卓廷帶人到元朗，又斥有人在網上發文宣指「得元朗得天下」，令元朗居民人心惶惶。她不斷稱元朗村民是被迫守護家園，自己作為「良家婦女」也是被迫走出來，強調「元朗人唔係黑社會」。
她又指著當時為鄧懷琛的燒烤樂園，介紹該地為鄧懷琛養妻活兒、賴以為生的地方，嘆現時已變了停車場，「你話佢係咪守護家園呀？你話佢暴動？陰公！如果有人喺你門口掟汽油彈、攞玻璃樽襲擊，燒村啦！係咪要守護呀？」她又指上訴聯署得到多方支持，透露北角福建亦會設街站支援。
李璧而補充，另外6名白衣人已申請刑期上訴，其中2名已獲批准，其餘4名則在申請中。
村民自爆打人 楊官華：喂大佬，你唔好講出嚟
在記者會舉行期間，一名無戴口罩的村民路過要求簽名，楊官華隨即問他是否支持上訴，村民回應指「梗係支持上訴！」他更直言7.21當晚有份襲擊途人，「我有份打㗎！點會唔喺到？」楊官華見狀即掩頭稱：「喂大佬，你唔好講出嚟」，又馬上為該村民找藉口﹐指他「啱啱瞓醒」、「可能飲咗酒」。他促人帶村民離開現場，「你返屋先，暴動呀呢單嘢，你唔好行埋嚟」。
李璧而則「死兜」稱「連個老人家都識守護家園」，「幾廿歲都要被迫守衛家園，唔通你拉佢？」楊官華不斷促該村民離開，又斥李璧而「你害死佢喇！」李璧而在記者會後繼續死撐，更稱「幾個後生仔都打死佢啦」。
楊官華
華記：如果我係村民，有機會打埋一份
楊官華指希望還原真相，斥7.21被抹黑，「上維基打721，話何君堯帶頭，係無所不用其極咁抹黑。」他強調自己完全不認識鄧懷琛，亦沒有收共產黨錢「奶共」，「我落嚟泊車搵個位都冇呀」。他批評判刑太重「好唔啱數」，又指「 如果我係村民，我都有機會打埋一份。」在記者會期間，楊官華停泊在馬路的紅色私家車被票控違例泊車。
荃灣青衣鄉事委員會副主席鄧育財亦質問，「守護家園點解要判暴動罪？點解要重判？應該兩邊一齊告佢哋集體毆鬥！」他又批評法官葉佐文裁決無理，「你法官有冇讀過書？一判判七年係咪傻㗎！」
荃灣青衣鄉事委員會副主席鄧育財
白衣人再被捕 李璧而：感謝天水圍同胞幫手
對於一名姓程男子昨日於（8月12日）在天水圍被捕，涉嫌「參與暴動」及「串謀有意圖而傷人」，疑為7.21元朗恐襲的白衣人。李璧而稱感謝外界幫忙，「好多謝天水圍嘅同胞幫手」，認為一方有難，八方支援，又指守護國家，人人有責。
楊官華又邀來村民、7.21當晚在場者及途人表達意見。其中荃灣居民羅先生7.21當晚因工作關係在元朗附近，他稱目睹一群人從地鐵站衝下來，指見到村民感到害怕不斷退後，並稱「你哋唔好再行落嚟」、「我哋同你哋無仇無怨」。他認為鄧懷琛判刑太重，反問「 點解唔可以有個discount呢？」
記者會屢生爭執 村民斥嘈醒細路
記者會期間多次出現爭執，楊官華先與《和你報》記者口角，斥記者太嘈吵，要求他「停一分鐘講嘢」，指「因為我全程講嘢，你講緊嘢，大家撞晒聲」、「一係我畀個咪你講？」在記者會尾聲，有穿拖鞋的村民到場投訴聲浪過大，「我哋祠堂喺錦田呀，做下資料搜集先啦，幾個月大我細路仔俾你嘈醒，你哋唔好咁撚嘈啦。」楊官華要求該村民即場接受訪問，「你過嚟見樣啦，阿生！」惟村民未有理會。
「平反7.21冤案聯盟」於周日（8月8日）發起全球網上聯署，並在今日起一連三日在元朗多個位置設街站，包括元朗西鐵站G出口、朗屏西鐵站B出口、元朗廣場等，收集市民的簽名，計劃於下周一向投訴法官行為諮詢委員會主席、終審法院首席法官張舉能遞交聯署，投訴7.21案的區域法院法官葉佐文判刑不公。楊官華指現時已收集到6萬個網上聯署，目標為收集10萬個聯署，望讓全世界知道香港的司法存巨大問題。