（獨媒報導）今日是八九六四37周年，由六四死者遺屬所組成的「天安門母親」，今年首度被禁止在六四正日到公墓祭拜。前區議員朱江瑋在其深水埗雜貨店「如一」內擺放電子蠟燭，蠟燭上面有「支持天安門母親 說出真相 尋求正義 呼喚良知」的字句。朱認為，為民主犧牲死難者很容易被後人忘記，但「嗰個地方、嗰個社會、嗰個民族，係有責任要記住呢啲嘢，而唔係利用」。他稱會堅持悼念和平反六四，又認為應取消任何相關限制，包括容許天安門母親公開祭祀和追究子女死亡的真相。
憶從前在街上派蠟燭 近年改店內派「話俾人聽我喺度」
朱江瑋今早開店時，將十多個「支持天安門母親」蠟燭擺在收銀枱上。他說，事前已經不同渠道收到「提醒」，「個個部門都話根據法例咁咁咁咁樣，有唔同程度提醒」，又指昨日有屋宇署職員到店巡查有否違規或僭建。
至於為何仍堅持擺放蠟燭？朱江瑋稱這是屬於自己悼念的方式。他指，自己早於1997年起，除了在內地工作的數年之外，基本上每年六四均會擺街站派蠟燭；惟由2021年起，市民再無法再入維園悼念，他亦無法在街上派蠟燭，故在2022年開設「如一」後，轉陣於店舖內派。
朱江瑋稱，最初也不太習慣要在店內派蠟燭，但後來覺得「似乎係喺呢個年代比較適合嘅方式」。他又感嘆，「攞（蠟燭）嘅人都有壓力」，例如每年都有記者欲訪問取蠟燭的市民，「如果你有做多2、3年比較，會係越嚟越難（採訪）……所以我覺得呢個過程已經唔係純粹一個派字嚟形容，我話俾人聽我喺度⋯⋯佢嚟攞，對我嚟講都係一個支持，因為我就會知道唔淨止我，仲有人係佢想用咁嘅方法記住」。
不過，他無法斷定下年會否繼續，直言「基本上都係抱住可能係最後一年（的心情）」。
身穿坦克人圖案上衣 探獄中絕食鄒幸彤
朱江瑋今日身穿的黑色上衣，印有「誰能忘掉這一刻？一九八九年六月四日」字句及坦克人圖案。他表示是選擇穿上「我自己最touch、最令我揪心嗰句」的衣服，又相信：「民主運動始終最後都係會贏，因為民主係人類嘅需求。但係幾時贏我唔知，會發生咩困難我唔知，嗰個我覺得係所有人嘅責任。」
另外，朱今早開舖前曾到大欖懲教所探望前支聯會副主席鄒幸彤，她現時正為悼念六四絕食37小時。朱形容，鄒的身體狀況不錯，「精神好咗、身體好咗，佢嗰隻瘦係健康瘦」，又笑言「我同佢傾到最後1分鐘，你有冇嘢帶出去講，佢話『冇呀，得啦，繼續傾』。」