（獨媒報導）新一份《財政預算案》盛傳將推行籃球博彩，但最終未有成事，財政司司長只稱會積極探討規範，並邀請馬會提交建議。自由黨黨魁張宇人認為政府需要收入，形容徵收籃球博彩稅是「贏贏贏」方案，並稱黨內一直有與馬會保持溝通，相信馬會很快會提交報告。
身兼行會成員的張宇人表示去年已提出規管籃球博彩，強調政府需要有收入，指在2003年經濟不景時亦有推行足球博彩稅，估算至今收入有逾千億：「當時市民擔心嘅嘢都冇發生到，會唔會鼓吹賭風呢？係唔會嘅。」張宇人續稱規管籃球博彩的好處，形容是「贏贏贏」方案：「唔洗俾啲外國公司賺咗，或者不幸地俾本地公司或非法外圍去做呢樣嘢。」
對於本屆政府任期將削減一萬個公務員職位節流，張宇人就坦言與期望「有少少距離」，但仍樂意接受，並對公務員凍薪表示支持。
政府亦建議在各區海濱增設輕食攤檔，作為飲食界代表的張宇人希望政府「唔好益晒大公司」：「俾基層市民可以做吓小本生意，甚至等後生仔女做吓生意。」