【獨媒報導】《基本法》第23條立法公眾諮詢下周結束，保安局局長鄧炳強今日繼續發揮應變反駁隊隊長本色。對於香港監察（Hong Kong Watch）與86個組織聯署，要求國際社會對處理立法的港府官員實施制裁。鄧炳強斥該個由外部勢力組成的聯署內容抹黑、無中生有、錯誤及誤導：「呢啲法例全世界都有，唔係淨係香港有！點解喺美國，喺英國就可以，喺香港就唔得？就要制裁我哋處理嘅官員呢。我唔怕你哋制裁㗎，我本身都被人制裁緊啦！」
繼昨日民建聯，工聯會今日亦舉辦23條立法諮詢交流會，律政司副司長張國鈞、保安局局長鄧炳強出席，300多名工聯會成員參與。鄧炳強在會後見記者，他未有如昨日時作開場白：「我今日亦都再次以呢個應變反駁隊隊長，要對於一啲抹黑我哋23條立法嘅言論作出反駁。」
在昨日點名前港督彭定康、英國保安國務大臣董勤達、自由亞洲電台及前立法會議員許智峯後，鄧炳強今日再公開斥責英國組織香港監察，指其聯同80多個「所謂組織」，發表反對《基本法》第23條立法的聯署。
喚外界先了解香港監察背景 稱贊助人包括反華政客
鄧炳強表示，外界應要先了解香港監察的背景，指其自「黑暴」開始，已不停要求外國制裁中央政府、香港特區政府官員：「佢嘅贊助人係包括好多反華政客，包括彭定康，佢嘅顧問係包括好多『走咗佬』潛逃嘅逃犯，包括許智峯，包括黃台仰。呢啲都係被我哋香港通緝嘅，亦都係離開咗香港之後不停做一啲危害我哋香港，同埋國家安全行為嘅人。」
除了「香港監察」的贊助人，鄧炳強認為，亦要留意80多個組織「係啲乜嘢」：「大部份都係一啲反中亂港嘅組織，佢哋入面包括，好多收咗美國國家民主基金會嘅錢嘅人，收咗英國政府錢嘅一啲組織。」
鄧炳強：基於事實的批評不違法 斥對方黑社會方式恫嚇
鄧炳強斥聯署內容抹黑，甚至是無中生有、錯誤及誤導，再三重申煽動意圖罪只針對挑撥行為，基於事實的批評不會違法，諮詢文件亦已清楚說明。他強調，不會畏懼制裁，「我本身都被人制裁緊」：「你越制裁我哋，越顯得我哋做嘅嘢係啱，你哋就用一啲黑社會嘅方式呢去恫嚇我哋。」
至於聯署質疑立法會影響公平審訊，鄧炳強在回應時特別提高聲線稱：「係唔會㗎，係錯嘅，係誤導嘅！」他認為，立法反而能令針對危害國家安全的調查更公平，亦更能保護國家安全。而立法亦參考建議外地國安法例，不排除容許警方可扣留疑犯超過48小時，鄧炳強指英國扣留疑犯可達14日，新加坡更長達2年，該建議是基於實施《國安法》後，就「執法短板」而提出的建議：「好多外國都有，點解外國得，我哋唔得？」
鄧炳強籲市民勿被外部勢力誤導
鄧炳強斥聯署的團體都是外部勢力，而其所接觸的市民大部分都支持立法，如行政長官李家超今早見記者時的「爆竊」比喻：「宜家啲犯就係話，做咩閂埋道門呀？我咪爆竊唔到囉，而住喺入面嘅香港人，大部分都係支持我哋要維護我哋嘅安全！」
他最後呼籲，本港市民切勿被外部勢力、「走咗佬想危害我哋國家安全香港人」所誤導，強調23條立法只針對少部分危害國家安全人士，而在港做生意的人只會獲得保障。