（獨媒報導）《香港國安法》落實頒布5周年，勞工及福利局局長孫玉菡表示，已透過修訂《社工註冊條例》、《職工會條例》，及一系列措施，將維護國家安全、愛國愛港的意識和精神，逐步融入社福界的實際生活及工作中。孫玉菡指社署已要求受政府資助機構，在周年自我檢視中「一定要睇睇係咪有符合國安要求」，署方亦會進行巡查：「但係咁都唔夠㗎，你會希望佢哋對國家安全係由心出發，明白維護國家安全嘅重要性。」
繼多名司局長，孫玉菡今日亦接受《文匯報》訪問，旨申《香港國安法》對政府及資助機構均有明確要求，必須主動維護國家安全：「以前大家對國家安全嘅概念比較模糊，但有咗國安法之後，大家都好清晰，要一步一步積極做好維護國家安全嘅工作。」
在訪問中，孫玉菡指出，本港維護國家安全工作近年有明顯進展，並列舉多項措工作包括完成社工註冊局修例：「社福界大量資助機構，同佢哋無論服務標準要求、服務嘅協議等，通通都已落實咗國安要求啦。」至於《職工會條例》修訂，他指修例是為了確保職工會制度在維護國安上沒有漏洞，有信心可以維護組織工會的權利，並同時做好維護國家安全工作。
孫玉菡
指不少社福機構已展示國旗 機構周年檢視須參看是否符國安要求
孫玉菡表示，現時其他細節包括賣旗、籌款均需要向社署申請，而社工愛國愛港教育亦已落實：「好多社福機構都已經會展示國旗、國徽。」他重申，當局已從法例構建，到建議條文制定及日常工作落實國安元素。
另外，孫玉菡指社署要求受政府資助機構，在作周年自我檢視時，「一定要睇睇係咪有符合國安要求」，署方亦會進行巡查：「但係咁都唔夠㗎，你會希望佢哋對國家安全係由心出發，明白維護國家安全嘅重要性。」他表示，當局希望通過不同活動，以加強社工維護國安的意識，包括「萬千社工看祖國」活動安排社工到內地參觀考察。
過去三年曾舉辦愛國愛港活動可加分 確保場使用嚴格維護國安
除此之外，孫玉菡稱當局設有「加分制」，機構在過去三年曾舉辦愛國愛港，及積極響應政府政策活動，「我哋會加分俾你」：「通過一系列工作，嘗試將國家安全融入日常工作當中，同事員工咪不斷強化國家安全意識。繼而唔好希望佢哋被動地遵守，而希望有啲積極分子可以主動地防範。」
孫玉菡透露，救世軍在機構內部已舉行國家安全講座：「呢個係自發，針對成個機構去做，係好事嚟。」他表示，有社福機構場地管理者早前已分享，會確保在日常管理中嚴格維護國家安全：「經過呢幾年嘅工作努力，慢慢慢慢，國家安全已經係深深印喺機構同員工腦海入面。」