【獨媒報導】68歲的建制派「班長」廖長江，昨日發稿宣布不爭取連任，為今屆第13人。在立法會一個委員會後，記者追訪廖長江至電梯口。被問到有否受到壓力，廖長江稱「絕對冇壓力」，記者再追問有否收到中央指示，廖長江斬釘截鐵稱「冇，你再問多條我都係咁答。」
廖長江昨日在棄選新聞稿稱，香港已完成「機制建設」，實現由亂及治，開啟由治及興，「崎嶇之路已基本踏平，我認為是合適時候交棒，讓愛國愛港力量薪火相傳。」
昨日一個委員會後，記者追訪廖長江，他稱新聞稿已詳細交代。被問到有否接班人，廖長江稱「我唔知呢樣嘢，亦都唔到我理，我亦都唔知道有冇。」
有傳立法會議員設七十大限，被問到年齡是否主要考慮因素，廖長江稱「係，因為我有其他嘢要做，亦都係因為其他嘅工作呢，對我時間嗰個要求係好大嘅，所以我暫時呢未必係可以兼顧到」，重申不爭取連任「符合我自己個人嘅意願」。
被問有否與中央及其他建制派商討，廖長江稱「冇，我冇傾過，呢個係我個人嘅決定」，至於下任「班長」人選，廖長江稱「唔知呀真係，我個芒都睇唔到。」