【獨媒報導】美國總統特朗普在其聲稱的「解放日」中，向全球多國加徵關稅，其中中國累計被增收至54％，中國隨即反制。美國在當地時間周二再反擊，將稅率增至104％，小型包裹由30％增至90％。兩個稅率分別於4月9日及5月2日起生效。經民聯立法會議員林健鋒今早在電台節目斥美國「大石砸死蟹」，自己「好嬲、好憤怒」，但亦感無奈。他支持國家企硬，稱如向美國「跪低」就「冇埞企」；又籲港商堅強，支持國家。
林健鋒：好嬲、好憤怒，但好無奈
林健鋒今早在港台節目《千禧年代》形容特朗普「呢個瘋狂加關税呢，根本就係大石砸死蟹」，出口和製造業承受沉重代價，自己作為港商「真係好嬲、好憤怒，但係亦都好無奈」。
他指關稅增至104%「根本你就冇得做㗎啦」，或被逼遷移生產線至東南亞，成本亦會增加。林健鋒形容港商現時「進退兩難」、情況「真係好難頂」：「今次（加關稅）就係無差別咁攻擊，波及嘅範圍都好闊，破壞性亦都非常之強，真係好似槍林彈雨咁。」主要從事美國生意的出口業和製造業正步入寒冬：「呢個寒冬真係好凍、真係好難過㗎」。
林健鋒（資料圖片）
林健鋒：港商要堅強
雖然如此，林健鋒強調自己「絕對支持國家嘅政策」：「咁如果人哋有啲嘢提出嚟，我哋跪低嘅呢，我哋就冇埞企㗎啦。」他又呼籲港商要堅強，支持國家：「我哋唔企喺特區政府，唔企喺國家嗰邊，我哋就冇得做㗎啦。」他對未來仍感樂觀：「我哋香港人同大家團結一次，攜手努力，一定可以渡過呢個難關嘅。」
籲銀行彈性處理貸款
行政長官李家超昨日提出七個方向應對，重申融入國家發展大局等，金管局昨日則宣布延長「部分還本」或「還息不還款」等特別融資計劃。
林健鋒表示，不少港商囤積大量貨物，未能出貨，出現現金流問題，形容「急到一個存亡之秋㗎啦。他稱雖然有出席昨日金管局舉行的會議，讚賞對方「反應快」，但強調每個中小企借貸種類有別，「我呢度都懇求啲銀行，幫幫係短期內有困難嘅企業。」
現時內地息口較香港低，他建議政府進一步協助中小企進行人民幣貸款。此外，他見有國內、東南亞和歐洲企業因美國關稅，而「陸續陸續嚟香港」，希望政府協助港商吸納外資。
香港付貨人協會主席：港商當下可以做嘅嘢好少
香港付貨人協會主席林宣武在同一節目稱，原來54％稅率已代表美國生意「冇偈傾，都冇得做」，再加至104%「分別不大」。他指美國買家面對全球性關稅，短期內將減少購入商品，導致供應商資金鏈斷裂。他認同金管局提出的種種貸款方案，但強調港商當下「可以做嘅嘢其實真係好少」。
料關稅由美國消費者埋單
林宣武認為全球化分工下，美國難以短期內將生產線搬回本土，至少需要2至4年時間，加上美國本土缺「衛星廠」，「啲螺絲又冇、玻璃又冇，呢啲美國都無」，認為美國最終仍需依賴對外貿易，「美國消費者結果都系會埋單。」他又認為今次加稅，或進一步令中國和歐洲等緊密合作。
物流方面，林宣武稱仍「有得做」，未見加關稅後美國買家減少訂單。美國取消小型包裹免稅，林宣武稱有一定影響，但表示香港可將貨物運至第三國，再運入美國，形容「生意都係照做」，只是會多元化發展。