【獨媒報導】今屆立法會在「完善」選舉制度，及落實愛國者治港下產生。對於市民認為，有議員面目模糊，及監察政府力度不足。立法會主席梁君彥不同意，反指記者如果仔細報道，便發現議員盡力監察及發問尖銳：「你唔會睇到我哋立法會橡皮圖章，輕易咁樣去舉手支持任何政府嘅法案。」
今屆立法會首個會期即將完結，梁君彥早上見記者回顧工作。他在開場時重申，現時的立法會具有更廣泛代表性，及均衡參與，廣納不同界別、階段及專業的有志之士發揮所長，理性務實促進社會發展，議會氣氛已回復理性。
梁君彥：議員提問尖銳 官員最怕開設新職位
《無綫新聞》問梁君彥，有市民認為，部分議員面目模糊「連個名都唔幾得，今屆90個更加嚴重」，如何鼓勵議員提升知名度，及說服市民監察，現屆議員政府力度沒有改變，不會被視作「猴戲」及表演。
對於議員監察力度，梁君彥認為，今屆議員已盡力監察政府：「但唔係學似以前咁樣去用唔同方法阻撓政府施政，用唔同手段唔俾開會，點人數呀，搞流會，呢啲我哋無見到。」他表示，議員對政策緊張，不同委員會及工作小組均見議員的提問尖銳，官員則最怕向立法會要求開設新職位。
重申議員盡力監察 指傳媒只報道「Juice嘅嘢」
在記者會上，梁君彥三度表示，如果記者詳細報道，便可見議員盡力監察政府。他舉例指，如果記者詳細報道法案審議委員會，例如職安健，便可見議員問及不少細節，官員亦未能回答：「其實監察政府我哋做得好多，呢啲⋯⋯呢傳媒朋友對呢啲⋯⋯覺得唔係即係好Juicy 嘅嘢，係無報道。」
至於知名度不足，梁君彥則認為，如果記者詳細報道議員勤力參與法案委員會，「咁佢哋知名度高囉，咁你要去搞啲得意嘢嘅，咁你至報道，議員做嘢係為市民做嘢，唔係為自己做嘢，亦都唔係為自己個人宣傳做嘢。」他又嘲諷昔日民主派最喜歡提修訂議案，卻沒有記者報道，記者只會關注自己讀錯字，「簡慧敏讀錯『周慧敏』就會見報」，促傳媒正面報道立法會工作。
否認立會清一色 梁君彥：如果搏出名就唔係做議員
《Now新聞》則問梁君彥，外界認為現時立法會是「清一色」，及過往曾以「驚濤駭浪」形容立法會。梁君彥稱，現時立法會的辯論有火花，亦有修訂遭否決，指議員由不同專業及階層組成，議會多元、五光十色，「五光十色唔會變白色，變黑色」，政府同有採納議員意見。
他再次喚記者「如果報道多啲，就知道唔係一個五光十色嘅問題」，重申議員是理性務實地為市民工作，「而唔係搏傳媒報道，如果搏出名就唔係做議員。」
今屆法案撥款大多不記名表決 梁君彥稱屬正常生態
《信報》關注，現時不少法案及撥款，均以不記名表決，與去屆有別，問會否影響傳媒及公眾了解。梁君彥聽到後反應甚大，稱英國、美國議會均會以不記名的方式表決，更諷刺過往提反對的議員才提出記名表決，「記唔記名係議員嘅決定，唔係我決定，有人舉手話要記名點票，我咪記名點票」，認為屬正常生態。
立法會示威區自2019年反修例運動後一直關閉，被問到何時重開。梁君彥稱，立法會現時正進行加建工程，具危險性的地方均要關閉。他強調，作為行管會主席，需確保立法會在安全環境下運作，期望在兩年後完成擴建，再審視是否重開示威區。
梁君彥不同意欠關注 如對市民有影響「自然就會睇住」
《商台》記者則指，現屆立法會議員在選舉的投票率低，稱有評論指市民對議會失去信心，不再關心立法會。梁君彥稱市民關心民生問題，其他和自身關係不大的就相對少關心：「以前嘅關心就係吵吵鬧鬧，呢個又會掟杯⋯⋯嗰個又會乜嘢。」
梁君彥再三重申，現時屬愛國者治港下的良政善治的議會，「冇咗咁多驚心動魄，或者驚濤駭浪嘅嘢發生。對新聞界可以平靜咗好多，無咩特別嘢，你哋報道少咗關心就少咗，呢個唔奇㗎。當你去到市民有影響，市民自然就會睇住。」