【獨媒報導】第七屆的立法會即將換屆，大量「愛國者」卻料無得留低，政圈盛傳人數或達40人，除了政黨必須「交人頭」，選委界亦是重點整頓範疇，勢必「去政黨化」，換入更「核心內圍」的人馬。屬立法會最大黨的民建聯，多名議員勢危，「榜上有名」的是現任新界東北選區的劉國勳，或由區議會「票王」姚銘接棒。劉國勳今日（15日）回應傳聞，多次稱「有啲新諗法」，已向黨溝通，將會適時公布。他又主動提及今日是姚銘的生日，稱作為「兄弟」，會為他送上祝福：「祝佢心想事成。」
民建聯主席陳克勤預計最快下星期公布出選名單，他指參選名單會經民建聯執委會討論和通過，他沒有回應是否有數位議員不參選。
劉國勳今早現身立法會，被一眾記者追問參選意向，他笑稱「咁早講呢啲啊」，但直言「有啲新諗法」並正與黨溝通中，待合適時間公布，「好快大家都會知唔使咁心急」，亦未有否認競逐連任。有記者問到未來發展去向，他笑指「我呢個新諗法唔一定係咩㗎嘛，係咪先？」對於不少70歲以上議員宣佈不參選，他認為：「好多都係個人原因，所以我都尊重嘅。」
劉國勳含笑賣關子
另提到早前考測量師牌照，他則指跟進北都發展多年：「由去熟悉到自己真係變成一個專業，我覺得可以喺唔同方向去貢獻，但呢啲新諗法究竟繼續，或者係用唔同角色，我自己整理完有咗啲諗法同黨溝通咗，有啲好嘅時候再同大家分享」，又指遲點會再分享區議員交棒。
劉國勳亦主動提及今日是姚銘生日，稱「阿銘生日，所以都俾多啲祝福佢」，有記者問有什麼生日願望助姚銘達成，他表示作為兄弟：「我梗係祝佢心想事成，生日快樂啦」。再被追問到會否「過招」，以及給予寄語說話，他僅指稍後有新想法再與大家分享。
75歲田北辰：幾時提名咪幾時交代
至於仍有一半年過七十「大限」的議員仍未公布去向，75歲的田北辰今早出席立法會大會，難免被傳媒一問，田北辰先感謝大家關心，但「麻煩大家再俾少少時間」，他適時會清楚交代。被問到是否有年齡壓力，他則重申「到時會解釋得清清楚楚，你哋會明㗎啦，你哋問嘅問題到時會一一交代」，又稱「幾時提名咪幾時交代」。74歲的地產及建造界議員龍漢標同樣面對追問，表示「好快會和大家交代」。
至於同被傳「冇得留低」新民黨容海恩，她稱黨派未來「會向好方面去諗」，其餘待主席葉劉淑儀公布。