（獨媒報導）港鐵早前完成檢討票價調整機制，將港鐵本地物業發展利潤加入計算，由扣減0.6%加至0.8%，今年6月生效。立法會交通事務委員會討論新機制，工聯會陸頌雄不滿事故頻頻但港鐵高層薪酬驚人，行政總裁金澤培年薪加花紅高達1,680萬元，猛力拍枱炮轟港鐵「肥上瘦下」。選委界周小松就指，即使港鐵盈利豐厚，10元車程只肯減兩仙，質疑「係咪忽悠緊市民呢？」「忽悠」是內地用語，廣東話意思類近「撚化」和「搵笨」。
陸頌雄代表的勞方，近日獲勞福局長孫玉菡大讚「良政善治」示範，但今早（21日）交通事務委員會會議，他就回復「鬥爭」路線，發言連續炮轟港鐵「甩門甩卡，乜都出齊」，但公司肥上瘦下，金澤培年薪過千萬，花紅又暴升。他質疑過去兩年「有咩值得花紅升幾倍」，要求港鐵高層的人工與事故掛勾，增加問責。
陸頌雄
陸頌雄：肥上瘦下工會好嬲！
運輸及物流局局長林世雄表示與港鐵高層有討論，「就整個公司發展，工作表現有討論嘅。」陸頌雄不滿答覆，質問「員工有無呢啲花紅呢？員工表現唔好咩？離哂譜！工會好嬲！」他並大力拍枱以示不滿。委員會主席陳恒鑌提醒要冷靜，「好好表達意見，議會係一個表達意見嘅地方。」
運物局長林世雄
多名議員質疑為何港鐵不把利潤封頂，若利潤大於100億就自然凍結車票加價。實政圓桌田北辰又批評「我嘅企業交畀你嘅租，你都唔肯當係利潤？」港鐵香港客運服務總監楊美珍表示，不在計算海外業務利潤或其他利潤，是因為「好多波動」，因為現時單計算物業收入，都有助壓低票價。
楊又指，過去一年港鐵動用於維修資產的成本，由數十億升至一百億，若將利潤封頂，又不能追回成本上升，將「預計唔到影響」，恐不能確保服務質素。
周小松：十蚊車程 額外減兩個仙
選委界周小松就指，港鐵票價計算早年已加入「生產力因素」但無助車費減價，今次計算物業收益，其實只是相差0.2%，即使港鐵利潤豐厚時，「一程十蚊車，因為物業收益，都只係額外減兩個仙」，質疑「係咪忽悠緊市民呢？」林世雄表示計算公式有「複合效果」，經過一段時間對車票價格「影響唔細」。
周小松