【獨媒報導】陳同佳在台灣謀殺女友潘曉穎後潛逃回港，觸發修訂《逃犯條例》，掀起反修例風波。《香港01》早前訪問協助陳同佳的立法會議員管浩鳴，透露陳同佳仍居深山，澄清對方非終日「打機」，僅能「對住個電腦」。《獨媒》昨日向管浩鳴查詢，他承認民進黨假如繼續執政，事情將難有改變，認為國民黨上台，「公義得到彰顯係必然」。被問到陳同佳假若改變主意，希望回復正常生活。管浩鳴則稱「我純粹提供一個環境」、「就係希望令到佢有機會返去台灣」，讓對方有地方等待返回台灣自首，但指「有一日佢改變主意，我都冇辦法，因為我又唔能夠困住佢」。
立法會昨日舉行大會會議，《獨媒》向管浩鳴了解陳同佳的最新情況，強調一如《香港01》專訪所言，對方在深山安全屋主要「睇電腦」，稱「真係無咩特別、無其他嘢做」，7年來未曾聽過欲外出，反而經常鼓勵他出門。
管浩鳴進一步提到，曾勸說陳同佳外出「唞吓氣」，但稱「似乎唔係好想咁」：「明嘅，即係好似我所講，因為佢一個人做錯嘢，佢都想負返責任，負唔到嘅時候，咁個心情一定唔會話好啦。」他續稱：「你唔負責都搞唔掂，呢單嘢唔係小事，不過依家問題係可以點樣做得到，即係依家難聽啲講句，求坐監可以點坐到咁解。」
資料圖片
陳同佳改變主意怎麼辦？ 管浩鳴：我都冇辦法
被問到陳同佳假若改變主意，希望回復正常生活，會如何協助及處理。管浩鳴則稱「我純粹提供一個環境」、「就係希望令到佢有機會返去台灣」，讓對方有地方等待返回台灣自首，但指「有一日佢改變主意，我都冇辦法，因為我又唔能夠困住佢」。
對於目前情況陷入膠著的狀態，管浩鳴指台灣陸委會堅持「政府對政府」移交，承認民進黨如繼續執政，將難以有改變，打破僵局雙方關係需要「相對有少少暖流先」。他指曾提出的「域外法權」涉及複雜法律問題，不敢擔保任內做到，認為自首是最好及直接方法：「我哋盡力啦，其實用唔同方法，都係希望最終目的都係一個，就係希望佢能夠有機會可以，簡單啲嚟講就係坐監。」
強調須確保陳同佳享公平審訊 嘆成政治爭拗棋子
在《香港01》專訪中，管浩鳴稱台灣表明不允許陳同佳「自由行」方式入境，即使成功入亦會「趕出去」，稱「無謂闖關變政治犯」。
管浩鳴向《獨媒》進一步解釋指，須確保陳同佳享有公平審訊，稱「如果你夾硬嚟，佢即係變咗好似政治爭拗當中一個棋子，咁究竟有冇對佢有一個公平處理呢」：「如果從屬地原則應該係唔返嚟係最簡單，但係因為都咁多年囉，佢都唔願意可以收佢，其實係咪而家再做嘗試傾下。」
資料圖片
批台灣發通緝令卻拒入境 指當地司法界亦有意見
台灣將在2028年舉行總統大選，對事件或會出現轉機。管浩鳴坦言要視乎對方的取態，認為兩岸關係已跌到冰點，需要回暖才有機會，「所以都要等」，惟承認民進黨假如繼續執政，將難有改變：「佢冇乜要今日的我推倒昨日的我，佢做咩要咁做呢？」他認為如要打破僵局，雙方需要「相對有少少暖流先，依家佢都冇興趣」。
管浩鳴續稱「國民黨講得好清楚」：「呢樣嘢對於佢嚟講係，公義得到彰顯係必然。」他指台灣司法界對此事有不少意見，尤其發出通緝令卻不讓陳同佳入台，「我諗呢個世界都未見過咁嘅事」：「因為呢個都係一個醜事嚟，你冇理由咁，不過因為佢哋覺得民進黨講咗，你知民進黨乜都講得出，講咗所以就唔做啦。」
管浩鳴：自行到台自首是最好及直接方法
此外，管浩鳴過去曾提出的「域外法權」方法，惟受追溯力、屬地原則，及取證困難等限制。他分析指由於涉及複雜性法律問題，現階段僅是初步研究，不敢擔保任內做到，
他最後再三重申，陳同佳自行到台自首是最好及直接方法，稱「我哋盡力啦，其實用唔同方法，都係希望最終目的都係一個，就係希望佢能夠有機會可以，簡單啲嚟講就係坐監，佢接受懲罰一定係監禁。我諗咁樣之後希望佢成為一個更新人士，之後佢能夠有新嘅生活，亦都最緊要梗係還曉穎同家人一個公道。」