（獨媒報導）政府昨晚出稿宣布7名港島區議員宣誓無效，即時離任，曾參與初選、排許智峯名單第二的民主黨中委蘇逸恒被DQ，另一東區區議員周卓奇則「順利過關」。民主黨主席羅健熙稱估計是與初選有關，又指DQ原因「夾硬嚟」，強調政府有責任交代理據，反問「今日條紅線係咁樣，聽日會唔會又有條新嘅線劃出嚟？會唔會劃多咗、劃少咗？」
有報導指，政府的DQ理據為「作出損害或傾向損害《基本法》中以特首為主導的政治體制秩序的行為」，包括以非法手段強迫或威嚇特首改變政策、議案、無差別反對特區政府提出議案，並意圖要脅政府等；不信納符合「擁護《基本法》」。羅健熙稱有向蘇逸恒了解，雖然沒有正式文件在手，只能預計DQ是與初選有關。他又指「聽落去全部都係夾硬嚟嘅原因」，反問「叫特首按問責制下台咁都可以成為DQ原因？成件事好難想像囉。」
政府表明根據「負面清單」考慮，但從未說明具體行為，另一民主黨東區區議員周卓奇更「順利過關」。羅健熙認為今次結果令外界知道政府「條線劃咗喺邊度」，但重申「成件事冇清晰到」，強調政府有責任主動向公眾交代，「我哋觀察到嘅差異都係我哋去估」。
民主黨現有僅餘26名區議員，羅健熙指已七月時已評估「大概有個數」，又指未收到有區議員向他表示改變宣誓決定，慨嘆「今日條紅線係咁樣，聽日會唔會又有條新嘅線劃出嚟？會唔會劃多咗、劃少咗？」
民主黨將於下周日（26日）召開大會，討論參選立法會選舉意向。羅健熙認為宣誓DQ事件影響不大，指黨友已醞釀自己的決定，對投票影響很微。