【獨媒報導】獨立書店「一拳書館」負責人龐一鳴及三名職員疑因出售《黎智英傳》被警方國安處搜查，涉嫌違反《維護國家安全條例》「明知而出售煽動意圖刊物」罪。保安局局長鄧炳強日前接受開電視節目《有理有得傾》訪問，表示不會設煽動刊物黑名單，以免影響執法效率，而政府的責任只是說明法例：「我諗內容緊要唔係書名呀嘛，如果我將一啲黑名單嘅書列咗出嚟，咁嗰啲賊就開心啦，我將書名改一個字，咁唔係黑名單啦喎，你拉我唔到啦喎。咁我冇理由咁蠢去做一啲嘢，令到自己執法冇咁有效率，亦都冇理由咁蠢，去做一啲嘢便利啲賊犯法。」
資料圖片
被問到是否涉及干犯國家安全罪行人物的相關書籍，都會落入具煽動意圖刊物的情況。鄧炳強稱「好多人都問我究竟係咪有黑名單」，「賣呢啲書或者處理呢啲書就係違法」：「我想講呢最重要唔係本書個書名，而係書嘅內容，內容有冇煽動意圖，有冇煽動憎恨社會呢，憎恨我哋國家呢？我諗內容緊要唔係書名呀嘛，如果我將一啲黑名單嘅書列咗出嚟，咁嗰啲賊就開心啦，我將書名改一個字，咁唔係黑名單啦喎，你拉我唔到啦喎。咁我冇理由咁蠢去做一啲嘢，令到自己執法冇咁有效率，亦都冇理由咁蠢，去做一啲嘢便利啲賊犯法。」
鄧炳強重申，犯法與否要視乎書籍的內容，而不是書名。至於是否設專隊審視書籍內容，鄧炳強稱並沒有將香港所有的書籍作審查，而是遇到一些舉報，或在調查中發現書的內容或涉及違法活動，「我哋就會採取行動」。
資料圖片
鄧炳強：我責任就係講條法例俾你聽 如遇疑問可尋求法律意見
記者追問當局沒有名單，會否容易令書商或市民誤墮法網，鄧炳強稱「我諗就唔會嘅」，不論《香港國安法》或《維護國家安全條例》均已清楚列明分裂國家、煽動意圖及勾結外國勢力的罪行，「法例好清楚，亦都已經有好多案例」：「我諗如果有啲人，佢覺得呢個書好似有啲犯法，唔知犯唔犯法喎。政府可唔可以話俾我聽，呢個唔係政府責任喎。我責任就係講條法例俾你聽，如果你遇到疑問嘅話，你係咪可以自己尋求律師嘅意見，又或者你自己都覺得有機會犯法，你都繼續要去做嘅，你係咪要承擔相關法律風險？」
至於會否令香港出版業界或因為出版的書籍，或書店售買書籍種類越來越狹窄，從而影響出版自由。鄧炳強表示「呢個唔會」，指當局解說法律或法庭判詞都已說得很清楚：「批評政府冇問題，點樣嚴厲批評都冇問題。最主要你要基於事實。如果你唔係用事實，用啲假嘅新聞、假嘅消息，煽動市民對於政府，或者對於國家嘅仇恨，咁呢個有機會違法。」
資料圖片
符合條件或有機會做公務員 不披露細節因或遭滋擾
節目中提及2019年反修例被捕惟未檢控人士，鄧炳強早前表示，警方過去兩年有特別項目聯絡相關人士，透過正向活動給予更新機會。鄧炳強回應稱，「在2019年港版顏色革命中」，不少年輕人遭到煽動：「以為做緊一啲正確嘅嘢，其實被人利用咗、煽動，導致可能作出咗一啲唔好嘅行為。」
鄧炳強認為，部分可以使用檢控以外、合乎法律的方法處理，即給予更新機會。他透露，該計劃是警方配合一些機構進行，相關活動包括認識國家，及對國家安全有認識：「甚或有啲人好驚，唔知返唔返到內地，唔知有冇事，我哋會協助佢甚至帶埋佢返去認識國家，亦都有好多人參加國家活動，甚至同埋喺香港政府部門入面做一啲實習工作。」
除此之外，鄧炳強指部份當年少不更事的人，「都唔可以未必一定係做唔到公務員」、「只要合符條件」：「所以我覺得呢個更新機會好重要。」他表示，天主教香港教區主教周守仁樞機、前立法會議員狄志遠均十分支持項目，但當局不方便披露更多細節，因社會仍有不少「唔想香港好的人」，藉着鼓動年輕人燃燒憤怒，及對社會的不滿，一旦披露細節便會騷擾該些人士及機構。