（獨媒報導）今屆立法會議員及官員連環發生不幸事件，繼陳克勤「拗柴」受傷、邵家輝右手韌帶斷裂、陳紹雄急病入院，乃至上月運輸及物流局局長陳美寶「拗柴」坐輪椅後，選委界別議員陳仲尼今早（5月6日）出席立法會大會，被發現後腦貼上一塊大紗布，他指上星期暴雨時於樓梯間「跣親」受傷，需送院縫5針。
陳仲尼向《獨媒》提及上周日（5月3日）暴雨期間，前往朋友位於南區的家時行樓梯「跣親」，向後跌倒弄傷後腦，朋友發現其傷口出血，遂立即送院縫5針止血，經電腦斷層掃描後沒有發現腦內有積血，但需要留院觀察24小時，故缺席周一的財經事務委員會會議，獲立法會主席批准請假。他稱幸好觀察過後無事出院，並笑言「大吉利是講如果神志不清或者嘔就唔好，咁而家第三日都冇嘢」，下星期將到醫院拆線。
陳仲尼
他分享事發當日的「奇怪」經歷，指與太太吃完午餐便下車行向朋友家，步程只有2至3分鐘，但就由「毛毛雨」忽然變成狂風大雨，「嗰時啲雨真係太大，我有遮又唔係行得太快，但係把遮、褲呀、鞋呀濕晒，把遮直程係個尖頂度喺滴水落嚟，即係大到嗰啲雨係穿透落嚟」。
對於議員接二連三受傷，有記者問道立法會是否有風水問題。陳仲尼即稱「冇呀」，再被追問會否擺「風水陣」？他笑言「唔搞呢啲嘢」，但仍對受傷過程感不幸：「如果我2點半喺度行又唔會咁大雨，3點半又唔會咁大雨，點解就係個段時間呢？無得講呢啲嘢，我都無所謂，人就係咁啦」。