（獨媒報導）政府統率處昨日公布今年4月零售業總銷貨價值，只有289億元，按年跌2.3%，數字已連跌14個月。香港零售管理協會主席謝邱安儀今早（6月3日）在電台表示，受中美貿易戰影響，「我相信我哋而家呢個零售，真係冇得再低㗎啦。」她又提到，零售業減舖情況普遍，「加加減減嗰個情況都係有嘅，只不過你話係減舖嘅零售商，係多過加舖嘅零售商。」
謝邱安儀：相信而家零售冇得再低
去年零售業情況已經不景，不過今年首四個月續跌，總銷貨價值為1,237億，較去年同期跌5.6%。香港零售管理協會主席謝邱安儀今早在港台節目指，業界原料銷貨額能與去年持平：「大家都覺得上年嗰個情況都冇得再跌落去，都已經係見底。」
政府發言人昨稱，4月份的跌幅已有所收窄，零售是否真的已「見底」？謝邱安儀表示「希望係咁」，「我相信我哋而家呢個零售，真係冇得再低㗎啦。」不過她指本港市道受貿易戰等環球因素影響，業界只能持觀望態度：「我哋亦都係控制唔到，咁所以我哋要再觀察返嗰個走勢。」
對於4月份的銷售情況，謝邱安儀指4月份沒有國內長假，內地客減少來港，加上月初爆發中美貿易戰，引致股市係大跌，進一步影響港人消費意欲。
港車北上維修影響本地市道
不同零售商類別中，以耐用消費品跌幅最大，按年跌22.9%，當中「汽車及汽車零件」更大跌53.4%，「傢具及固定裝置」跌幅亦達16.7%。謝邱安儀解釋稱，汽車維修佔「汽車及汽車零件」不少收入，一方面近年電動車取代汽油車，維修需求較傳統汽油車低，加上不少「港車北上」維修。「傢具及固定裝置」方面，她指疫情期間「大家都困住喺屋企⋯⋯咁嗰段時間已經係做咗好多嘅home improvement」，疫後市民增加外出加上網購，令傢具相關消費意欲受影響。
個別零售商類別則錄得升幅，其中「酒類飲品及煙草」升幅最大，按年升29.6%。「書報、文具及禮品」和「藥物及化妝品」亦分別按年升了11.7%和7.2%，謝邱安儀表示政府的「盛事經濟」，確實帶動不少人流，故單價較低的商品如化妝品、保健品錄得升幅，但未能轉化至其他商品類別。
稱現時內地客非為購物來港
近年經常提及的消費模式轉變，謝邱安儀指「根本以前嗰班遊客同今日嗰班遊客係兩班嘅人嚟嘅，以前嗰班係話為咗購物嚟香港，而家呢班係為咗旅遊嚟香港。」她期待未來國內經濟回穩，「一步步可以回復返啲購買力」，同時亦取決於港幣走勢。她望政府加強吸引其他地區旅客，例如東南亞地區，「佢哋嘅消費力亦都係唔差嘅」。
續約時業主願減租 不再「業主當道」
昨日財政司司長陳茂波出席財經事務委員會會議，表示對街舖結業問題「好上心」。謝邱安儀表示從會員知悉，減舖情況較為普遍，「加加減減嗰個情況都係有嘅，只不過你話係減舖嘅零售商，係多過加舖嘅零售商。」
目今市道下，謝邱安儀指不再是「業主當道個時勢」，會員續租時能爭取減租。對於現有租約商戶，她盼業主體諒：「大家都揸住話合約精神，咁就唔使講㗎啦。」