（獨媒報導）今年2月的全港小學校際七人足球賽，焦點落在閩僑小學小六學生 Zakaria Muhammad 身上。閩僑小學校長葉淑婷表示，Zakaria被質疑年齡及被噓，並非首次發生。她表示曾收到其他學校「查詢」、家長投訴，同學出賽時亦會被噓，至年初賽事更因足總的社交媒體帖文，引發某些專頁轉載並出現惡意言論。葉淑婷當時在三個關於 Zakaria 的 Facebook page 留言為 Zakaria 辯護，事後亦去信多個機構。雖然足球隊成員亦因成件變得更成熟，不過葉校長坦言，「始終覺得，咁樣要啲細路成熟係幾殘酷。」
閩僑小學校長葉淑婷
年初網上爭議最熾熱時，校長親自「落水」留言。葉校長表示，其家人曾擔心回覆留言會引來網民「圍攻」，不過她直言「唔介意」，指身為校長有責任保護學生，不應退縮令學生獨自承受惡意言論。「可能有啲人話敏感，但係你睇到有些comments真係好難聽，唔係一個小朋友或大人可以承受到。」
相關事件並非首次發生，葉校長提到去年九龍東區小學校際五人足球比賽，閩僑小學奪得冠軍。葉校長講述，四強比賽期間受其他學校輸波之後投訴學校。
更有甚者，在去年九龍東區小學校際籃球比賽時，主辦方香港學界體育聯會接獲一些Zakaria的投訴，於是派出兩位其他小學校長現場觀賽。「佢哋睇到我個細路俾人噓……落嚟嘅其中一位校長忍唔住流淚，因為佢睇住佢成場波點樣俾人對待。」受事件影響，Zakaria整場比賽盡量不觸碰對方球員。
「另外，試過他射兩球罰球，一路俾大人噓，真係好差，亦有家長鬧球證的判決。」
閩僑小學在賽事中最終獲得殿軍，但葉校長指當時「我呢個仔唔開心到坐喺看台唔出嚟攞獎」，觀賽的校長幫忙勸喻，Zakaria亦堅持不願出來合照。
葉校長重申Zakaria並無「超齡」，相反他曾「跳級」——Zakaria小一入學時，身高已和班主任一樣，校長翻查記錄發現他比同級學生大一年。學校當時安排補習予Zakaria，讓他在下一學年「跳級」入讀小三，今年小六的他將會如其他「一般」小學生一樣，以12歲之齡從小學畢業。目前Zakaria的身高，在同級同學中亦不算最高，只是身型較橫顯得「大隻」，笑言「佢四年班個樣仲係細個。」
閩僑小學足球隊今年有16名小將，亞哥斯達及艾華頓的兒子亦是其中一員。
Zakaria Muhammad（李家榮）
經歷如此之多後，葉校長指對球員們逐漸變得成熟感到欣慰，「因為呢次都有好多唔同訪問，有陣時同佢哋傾偈，我都唔使點教佢哋，佢哋都答到啲幾成熟，我自己內心覺得真係有啲安慰」，算是超額完成。不過她始終慨嘆，「始終覺得，咁樣要啲細路成熟係幾殘酷。」
葉校長以往經常抽空支持足球及籃球隊準決賽的比賽，事件發生後「全部都會去睇」。她亦自掏荷包請食慶功宴，包括自助午餐、韓式燒烤等，笑言今年食韓燒「佢哋淨係喺度飲汽水」，就算落敗亦會請他們吃麥當勞，「有啲都會喊唔開心嘅，就係有嘢食好快就好返，細路仔呀嘛」。
葉校長表示，已分別去信香港學界體育聯會、足總及平機會等就事件作出投訴，暫獲平機會回覆稱會跟進事件。
校長葉淑婷著力推行津校國際化，讓津校不再只有催谷成績，為家長提供多一個教育模式選擇，相信「百花齊放嘅教育先至健康」。
葉校長得知招收不少港足外援球員的子女，笑言「咁多港超仔女冇理由唔搞呀嘛，起碼啲 gene都勁啲」，加上很多學生跟隨理文、力圖、傑志等球會受訓，決定2023年成立足球隊，亦相信校內外同時訓練，是球隊近年冒起原因之一。
擔任閩僑足球隊教練8年的B sir表示，「佢哋係小朋友啫，呢啲比賽都係想佢哋習慣比賽模式同氣氛，等佢哋開心。」他反駁「超齡」質疑，指賽會皆會審查參賽資格，坊間不應質疑。B sir提到，球員落場面對最大的壓力，是要承受其他家長噓聲，「對面隊啲家長嗰啲說話其實好影響，我哋都同佢講唔好理佢哋做好自己」，讚揚隊員們「好叻仔」，超額完成賽事。
閩僑小學足球隊教練B sir
有份出賽的華籍球員帥謙表示，「始終細路仔踢波都唔係一件容易嘅事，點解你仲要咁樣為難我哋呢」，對Zakaria 被針對「覺得少少嬲同戥佢唔抵，始終錯嘅唔係佢。」他事後亦透過WhatsApp安慰對方，「你唔使理人哋點樣講，你用你自己嘅行動證明俾人睇你嘅能力」。
Zakaria Muhammad（李家榮）及帥謙
左起：帥謙、校長葉淑婷、Zakaria Muhammad