（獨媒報導）繼新蒲崗嘉禾啟德戲院於「全港戲院日」翌日結業後，本月內再有戲院結業。新寶院線前日（27日）在社交平台宣布，總統戲院將於明日（4月30日）光榮結業，感謝觀眾支持。有市民得悉戲院結業特意前來送別，認為現時入場看電影人數較以往少，氣氛稍遜，對於戲院結業則感可惜：「無辦法啦，趨勢嚟架嘛」、「俾巨輪碌死咗。」
位於銅鑼灣謝斐道的總統戲院，於1966年10月26日正式開業，迄今有約58年歷史。戲院原有兩層共1248個座位，不過2001年改建成迷你戲院後，座位減至餘下428個。
新寶院線前日（27日）在社交平台宣布，銅鑼灣總統戲院將於周二（30日）光榮結業，感謝觀眾支持，不過文中就未有交代結業原因。總統戲院告別後，新寶院線就只餘兩間戲院，分別為旺角新寶戲院和屯門凱都戲院。
《獨媒》記者今早11時（29日）到戲院視察，現場未見有張貼結業告示。今早不少市民特意到場購票看電影以及手持戲票拍照留念，亦有人向記者表示是首次到總統戲院看戲。
有市民認為戲院結業在所難免：俾巨輪碌死咗
已退休的陳先生今日特意偕妻到場送別，形容自己由「10歲細路睇到宜家」。他認為現時入戲院看電影人數較以往少，氣氛較為遜色，僅得「小貓幾隻」。而且戲院結業亦在所難免：「咁少人（入場）自然會淘汰，唔係唔支持吖，太多媒體啦宜家，以前想睇戲就入戲院囉，電視都無乜轉載，要睇戲就入戲院。」被問到戲院結業會否感到可惜，陳先生說：「無辦法啦，趨勢嚟架嘛」、「俾巨輪碌死咗。」
陳先生與太太
市民懷緬兒時首次看戲 認為戲院結業對電影業影響不大
另一位陳先生得悉戲院明日結業，同樣特意前來「懷緬一下」。他憶述自己四十多年前首次在總統大戲院看電影，認為當時感受較深刻：「大戲院感覺好多人睇戲、好開心」、「（當時）通常都做金公主院線嘅港產片，最佳拍檔嗰啲，睇完好開心、好熱鬧。」不過，自從總統戲院改建迷你戲院後便減少入場次數。
陳先生
本月內先後有不同戲院結業，陳先生認為，總統戲院結業對電影業影響不大：「以依個市道嚟講，其實少咗呢間係咪咁真係大影響呢？咁又唔係嘅，都係一種感情姐。」
