（獨媒報導）本地品牌Chickeeduck位於銅鑼灣怡和街的最後一間分店，原定6月30日為最後營業日。創辦人周小龍及後稱再短暫營業3天，於周五（7月7日）正式結束33年營運。
上週五（6月30日）位於銅鑼灣怡和街的最後一間Chickeeduck分店結業，當日數度出現人龍，排至街上，有顧客需輪候逾兩小時。創辦人周小龍在社交媒體稱「為免大家排得咁夜，逼得辛苦」，決定短暫營業三天（7月5至7月7日），由早上10點營業至晚上6點。
周五最後營業日，《獨媒》記者到場視察，在下午有約10多名顧客。
熟客黃先生在店舖逗留約2小時，他指起初是到荃灣愉景新城分店開始光顧，對Chickeeduck全線結業感到無奈和不解，「一間普通嘅店都容納唔到，我真係唔覺得有咩問題。」「如果佢有犯法，點解唔拉佢呢？但佢又無事，而你又唔容許佢係到」。
黃先生
戴有「香港加油」口罩的另一名顧客黃先生指，港人不應自我審查，「香港係自由社會有問題咩？咁多年都係咁」。他望港人不要放棄，「最緊要身體健康，保持良好心態，一齊行落去」。
已光顧7年以上的熟客吳小姐，曾分別送別荃灣及天后分店。她盛讚Chickeeduck衣物質料良好，「屋企起碼有30多對襪，留返慢慢着」，「少咗個買嘢嘅開心之地，好似缺少咗啲嘢囉」。
吳小姐
過去曾多次到店購物的顧客秦先生表示，自己因反修例運動而開始光顧Chickeeduck，對全線結業感到無奈，「都冇辦法嘅」。