【獨媒報導】港隊球迷近年打氣文化愈見成熟，昨晚港隊在啟德主場館迎戰印度。球迷組織「波台黐線佬」聯同本地品牌上水爆谷，推出兩款爆谷，賽前在AIRSIDE商場發售，並邀請因傷未有入選港隊的球員陳肇鈞參與。「波台黐線佬」成員Monkey稱，望繼續與不同品牌合作，擴大香港球迷圈子。
Monkey
Monkey向《獨媒》提及，「波台黐線佬」與本地品牌包括少爺啤及上水爆谷合作，望「build up香港足球commercial value」，並帶出「本地品牌支持返本地運動」信息。除爆谷外，他們亦推出不同「應援物」。Monkey指香港球迷喜歡收藏紀念品，早前舉辦的市集生意亦不俗，「只要你做出嚟個project夠正、夠得意，或者你個messages中到佢哋想要想支持嘅嘢，其他佢哋係support。」
除此之後，他亦盼藉此擴大球迷圈子，「叫嚟叫去要入嘅球迷都入晒，不如試下唔同嘢令更加多人入去（球場支持）」提到與少爺啤合作，對方有不少員工亦購票入場支持港隊。
昨日主場館的門票在賽前全部售出，Monkey望首次於啟德主場出戰的「新鮮感」能夠延續，「香港都好多人鍾意睇波，點解香港（隊）球迷咁少呢？得個1萬8千、1萬人入場呢，suppose唔應該係一件咁難嘅事」，會續盡力團結更多人支持港隊。
羅庭輝
上水爆谷創辦人羅庭輝稱「堅持滋味」爆谷，使用本地海鹽及本地蜂蜜製成，味道鹹甜交集，笑言為「汗水同淚水啊嘛」。另一款「反勝滋味」，則由焦糖及胡椒製成，辛辣味代表激情。他提到本港球賽的足球氣氛及周邊活動仍可提升，「可以似返外國咁，臨睇波前個幾兩個鐘Pre-Drink，跟住就誓師大會」、「開Party咁」。他指每個持份者在香港足球上皆可有不同崗位，作為本地品牌則能為香港足球增添氣氛。