【獨媒報導】足總早前宣布，委任理文技術總監曾昭達擔任任中國香港亞運男子代表隊主教練，帶隊出戰愛知名古屋亞運。港隊在去屆杭州亞運取得第四名，為歷來最佳成績。《獨媒》問到今屆的目標，曾昭達認為要先視乎抽籤結果，「當然我哋希望攞到分數」：「你話要copy上屆嘅嘢，係困難嘅。大家都要貼地啲睇個情況。」
理文今早安排傳媒採訪球隊公開操練，被問到今季在球隊的角色，曾昭達稱主要負責行政管理、青訓事務，形容贊卡路有想法，指理文今季會以挑戰者角色爭奪港超聯冠軍，期望在各方面「有啲更換下會有啲唔同」。他認為今季各支球隊實力差距不太大，列強實力較近，希望球隊能「做好自己」先交出表現，但指在雙循環下仍要視乎賽程安排。
亞運男子足球將在7月23日進行抽籤，港隊位列第四檔次。曾昭達早前已考取亞洲足協專業級教練資格，將接替戴雅諾帶隊出戰亞運隊。他指港隊在9月初才開操，「整體上我都係協助吓」，感謝理文放行：「在於我自己立場都想幫吓香港足球，都知道件事應該都好困難，對手排名比我哋都高，盡量去做，踢場好啲足球俾大家睇。」
望將教練課程內容學以致用
在球員年代，曾昭達曾入選2014年仁川亞運的初選名單，但最終未能進入決選：「試吓另一個身份參與，感覺幾好。」他希望能夠將亞洲足協專業級教練的課程內容學以致用：「對香港足球有唔同觀感，都想試吓。」
港隊在去屆杭州亞運取得第四名，為歷來最佳成績。《獨媒》問到今屆的目標，曾昭達認為要視乎抽籤，「當然我哋希望攞到分數」：「你話要copy上屆嘅嘢，係困難嘅。大家都要貼地啲睇個情況。」對於港隊決選陣容，他就形容為「喺有限制上揀到一啲最大可能性幫到球隊嘅球員」，但坦言希望港隊抽籤能遇上實力較低的對手。