【獨媒報導】港超聯周六（29日）晚上演列強對碰，傑志作客將軍澳運動場1:2不敵理文，後者以9分升上榜首。球證今場共發出12張黃牌、1張紅牌，傑志主教練朱志光在賽後稱，今場比賽緊張、好激，但內容並不精彩，更批評對手踢法消極：「踢咗啲好學界足球出嚟，係咪？我都唔希望香港仲係繼續⋯⋯榜首大戰踢學界足球，大腳踢走佢，唔好輸就得啦，嗰啲就贏到都無用，要係向個好方向，睇下點樣入波，喺我個人嚟講。」
理文今場擺出352陣式，由袁皓俊把守最後一關。徐宏傑、余煒廉及馮慶燁出任三中堅，隊長顏樂楓復出任正選，由前線三叉戟艾華頓、基華尼頓及亞哥斯達攻堅。傑志則有明加索夫、文尼亞斯、基爾頓及潘沛軒領軍衝鋒陷陣，費蘭度客串左閘，丹恩奴域先任後備。
迪高門前撞射入網 傑志投訴亞哥斯達犯規在先
上半場雙方拉成均勢，16分鐘，迪高放直線，艾華頓右路推大位起腳，在艾里奧及米基爾的封阻下起腳射入，理文領先1:0。今場大戰有火藥味，22分鐘，艾里奧遭艾華頓侵犯，後者被罰黃牌。28分鐘，明加索夫左路插入禁區射門但斜出。33分鐘，徐宏傑被潘沛軒推開，潘沛軒亦領黃牌。
43分鐘，亞哥斯達交予左路的基華尼頓，基華尼頓出波，迪高門前撞射，理文領先致2:0。傑志球員投訴亞哥斯達犯規，侵犯羅梓駿在先，但球證黃偉倫判入球有效。
丹恩奴域後備入替 艾里奧接應罰球一度追近
下半場換邊，理文全面受壓。傑志有羅拔圖入替潘沛軒，51分鐘再有丹恩奴域、黃洋換入，取代巴爾拿、羅梓駿。54分鐘雙方再爆衝突，顏樂楓與米基爾禁區有碰撞，前者夾實皮球，球證在禁區內判罰間接自由球。傑志由米基爾操刀，再交予丹恩奴域起腳，但最終未能將波送入網。
67分鐘，艾華頓成功截劫黃洋，將波交予基華尼頓，基扭過周緣德，左腳狂抽近柱，但未能將波送入網。74分鐘，黃俊皓犯規被罰黃牌兼受傷，傑志左路獲得罰球機會，費蘭度處理，艾里奧接應罰球頂入追成1:2 ，追近較接近的紀錄。
理文血肉長城保勝局 艾華頓成今場最佳球員
76分鐘荷西安祖入替黃俊皓。76分鐘，基爾頓放長傳，徐宏傑「出手」推跌明加索夫，徐宏傑被罰紅牌出場，理文屋漏兼逢夜雨。
傑志在踢多一人的優勢下全場圍攻，85分鐘，基爾頓放斜路，明加索夫右路窄位起腳遭荷西安祖瞓身踢出底線，理文最後憑血肉長城成功力保三分。
兩隊今季均先後取得平港超聯紀錄的勝仗，今場「六分波」最終由理文勝出，今場入場人數為2,021人，艾華頓成為今場最佳球員。
朱志光歸納球員欠集中 「失球」前以為球證會吹
在比賽後，朱志光便指出，理文擺出「好防守」的陣式，成功控制戰局，但傑志的球員則犯了嚴重錯誤，包括未有聽球證「雞聲」：「球證嘅水平有時個個有高有低，我唔敢評論球證好唔好，但係有啲波應該係要吹雞呀、foul呀咁，但佢無foul，但係啲預咗啲球證會蝦碌㗎嘛。」他指出，兩球失球均因為傑志球員「以為個球證去吹雞、去停咗，無集中」。
朱志光又認為，理文全場的機會不多，大部分來自突擊，並指對手在下半場「做咗一啲好防守性嘅嘢」。
被問到失分對爭標的影響，朱志光強調，聯賽很漫長，雙方仍有機會失分，並再次嘲諷理文踢法消極：「如果傑志再遇到有啲可能仲消極啲嘅，可能又係入唔到波，都未定。」
他認為，事實是多支球隊與傑志對賽時，禁區外均有8至9名球員，「我哋就唔係咁可怕，但係我感覺上，（今場）下半場攻防戰，好似我哋平時練波咁，但係足球一部分嚟，有權選擇。」
陳曉明回應「消極足球」稱有不同戰略 形容屬振奮士氣的一仗
理文主教練陳曉明今場穿上紅衣督師，他在賽後表示，今場勝仗可拉近與傑志的距離，「每一場三分都咁重要」。他形容，理文過去半年一直希望能踢出振奮士氣的一仗，「呢場我相信會係，希望今場勝仗亦都令到我哋有信心一路殺落去。」
對於被指消極足球，陳曉明就認為，每場比賽雙方均有不同戰略，「可能調返轉對方都會咁，所以無乜話好comment。總之in a fair game，職業足球都要睇少少成績上，當然希望日後可以再改善啲，even受壓嗰時都可以做得好啲，水準上都可以再提升。」他表示，相信球證已盡力執法，沒有任何投訴，如有視像助理裁判會更佳。
在陳曉明接受訪問時，有部份傑志球迷仍留在看台上爆粗指罵陳，斥「好X核突呀你隊波」、「你返去教書啦好冇呀？」但陳曉明未有理會。
記者：麥馬高、周頌謙