【獨媒報導】冠忠南區今季招兵買馬簽入多名本地球員，包括黃皓雋、潘沛軒及鄭子森。現年24歲的黃皓雋去年加盟中超球會青島海牛，今年年初回流加盟傑志，新一季轉投南區，他接受《獨媒》訪問時坦言，「希望踢波踢得開心」：「上年中超都有機會，踢咗十幾場。坦白講，踢波喺嗰邊做職業球員無想像中咁開心，可能係要擺自己一個人喺青島，可能我哋嗰個球季唔係好順暢，total好多嘢都唔係咁開心，返到嚟都係想追求返踢波嘅初心。」
黃皓雋去年從內地回歸本地球壇後，一度效力傑志半季。他向《獨媒》透露在「藍鳥」尚未提出新合約時，南區已向其伸出橄欖枝，在聽到主教練陳志康講解後，有感球隊具方向及潛力，「發揮機會多啲」，毫不猶豫便加盟。他又表示自己亦家住港島，自然希望為區隊效力，「有啲意義」。
曾效力理文、東方的黃皓雋，在2022/23年球季贏得最佳青年球員，去年1月北上加盟中超球會青島海牛。他表示，因為私人原因與球會解約，指一年半以來成長了很多，在內地汲取了不少經驗。
穿10號肩負更大責任 黃皓雋：最緊要係幫到隊波
黃皓雋新一季將穿上南區的10號球衣，他自言已24歲，在踢法上必須更成熟，作為進攻球員，必須肩負更大責任，尤其爭取入球及助攻：「防守都要做㗎啦現今足球，最緊要係幫到隊波。」
談到今季目標，黃皓雋則顯得有點感慨，向《獨媒》表示「希望踢波踢得開心」：「上年中超都有機會，踢咗十幾場，坦白講，踢波喺嗰邊做職業球員無想像中咁開心，可能係要擺自己一個人喺青島，可能我哋嗰個球季唔係好順暢，total好多嘢都唔係咁開心，返到嚟都係想追求返踢波嘅初心。」
再爭取外流？ 黃皓雋表明不太關心、要睇條件
黃皓雋認為只要能夠重尋踢足球的快樂，自然可以協助球隊。至於在中超的點滴，黃皓雋指內地足球水平較高，競爭亦較殘酷：「一定要識得去生存，去自我升級同進步，先至可以留得低。」他不諱言，在加盟青島黃牛首兩個月的時間，仍未能適應節奏，但學會如何從球場上找到個人強項，再應用到球隊：「我覺得我比較適合做串連，做助攻入球呢個係我嘅強項。」
《獨媒》追問會否再爭取外流，黃皓雋坦言已多次問及同一問題，他就表示不太關心：「依家呢度環境絕對唔差，我唔覺得一定要出去踢，所有嘢都係睇條件，同睇自己喺環境入面開唔開心，有快樂自然有動力做好。」
潘沛軒：個人較喜歡參與進攻
現年25歲的潘沛軒則從理文加盟，對轉投南區感到開心，「新球會新景象」，認為南區穩守突擊的踢法十分適合自己。他期望可以有更多出場時間，「同可以入返香港隊」。不過，潘沛軒表明不但要協助南區殺入爭標組，更必須贏得冠軍。
《獨媒》問到新一季穿上9號球衣，是否不再串演閘位，潘沛軒稱個人較喜歡參與進攻：「自己揀9號，希望可以有多啲上陣機會啦。9號呢個Number壓力都大，壓力唔止係動力，希望自己可以踢得更好。」潘沛軒又大讚陳志康，去季帶領北區奪得佳績，有信心對方可以將其潛力發揮到最大。
承認去季不太適應右閘 今季入波爭重返港隊
潘沛軒承認去季在理文不太適應右閘的位置，「當然教練要我踢呢個位置都無問題」，強調「落到場就會俾足120%做到最好」。
在去屆亞運，潘沛軒攻入關鍵一球，替港隊奪得歷史性的第四名。潘沛軒表明希望重返港隊，會以入波爭取表現，以吸引教練注意：「踢波好現實，無表現咩都唔洗講。我點解嚟冠忠南區，就係有更多時間，一定要爭取俾港隊主教練睇到。」
自言最有火、最有態度 鄭子森表明要踢港隊
另一本地球員鄭子森，他去季從大埔外借到標準流浪，季尾更交出亮麗表現，並曾入選港隊初選名單。鄭子森向《獨媒》透露，去季在與南區交手後已獲領隊貝可泓接洽，談到南區的大計，有感球隊的野心便決定加盟。
現年27歲的鄭子森，他認為是時候走出舒適圈，離開大埔進入新階段，「要俾啲嘢對得住球迷、教練同屋企人」。他坦言因為自小跟從李志堅，今次離開大埔有少許不捨得，惟在去季外借流浪，深諳職業足球的現實：「當你踢到就好多人搵你，你踢得唔好就浮浮沉沉，甚至好多球員已經要落甲組踢。」
鄭子森強調從練習到比賽，均毫不保留：「對住任何一個外援都唔會驚，每次都做最有火、最有態度嘅球員，練波早到半個鐘、一個鐘，我唔想俾人淘汰。」他最後表示，會透過發揮優點爭取入選港隊，讓盧比席看到其表現：「已經好耐無著過香港隊波衫，對上一次可能已經係U23。」