【獨媒報導】高級組銀牌決賽年初二將在旺角大球場舉行，衛冕冠軍傑志再遇東方，是上屆決賽翻版。傑志暫代主教練金東進呼籲球迷入場支持，延續卡塔爾亞洲盃的氣氛：「喺亞洲盃嘅時候，好多香港人都親身去到現場支持香港隊。我希望呢件事可以延續到本地聯賽，好似呢場決賽咁，大家可以入場支持啲球員，一齊推動香港足球。」
今年決賽起碼與去年一樣，同樣由傑志大戰東方，但比賽場地就改為在旺角大球場，賽事在當日下午3時舉行。足總今午舉行賽前記者會，金東進表明會力爭奪冠創造歷史：「東方有好多好好嘅球員，所以我哋需要小心部署我哋嘅防線，所有球員都已經為呢場決賽準備好。」
在去屆決賽，傑志以互射十二碼勝出，今屆力爭衛冕。金東進就讚揚，一眾早前代表港隊出戰亞洲盃決賽周的傑志球員，認為港隊「展示出點樣應對強隊」，亦令外界更留意香港足球。
再遇傑志未感壓力 盧比度：仍考慮是否讓年輕球員上陣
對於球隊被外界睇低一線，東方主教練盧比度就向《獨媒》表明沒有壓力：「我哋要對傑志，佢哋係一隊頂尖嘅球隊，（勝出）機會對我哋嚟講比較低，但我哋會無壓力咁應戰，盡我哋所能，嘗試令佢哋覺得場波困難。」
在記者會上，盧比度指東方會盡全力爭冠：「上年呢場嘅表現唔係最好，但我希望所有人都可以喺球場上享受比賽，同埋吸引多啲人星期日嚟睇一場好波。」傑志曾八次奪得高級組銀牌冠軍，被問到會否感到壓力，盧比度則稱沒有。
此外，東方17歲小將吳宇曦昨晚在省港盃第二回合表現出色，盧比度亦讚揚此子非常有天賦。至於銀牌決賽會否派遣吳宇曦上場？盧比度就稱，仍在考慮會否讓年輕球員在該場賽事上陣：「要非常謹慎，選擇一個合適嘅時候比佢哋上到球場。」
余在言有信心取勝 與隊友重建默契
余在言今季加盟東方，立即有機會替球隊爭冠，他表示對決賽感到期待， 有信心球隊能夠取勝。在去年足總盃決賽，余在言曾替流浪上陣惟不敵傑志，他就提到：「我都好記得嗰個feeling，我知道呢個決賽對東方有幾重要，因為佢上年都係爭一步。」
早前先後代表港隊參與亞洲盃決賽周、省港盃，長時間未能留港效力，余在言感謝球隊支持，稱現時全力集中備戰銀牌決賽，與隊友重建默契，「默契呢啲野好易build up返」。
此外，傑志翼衛費蘭度表示，今場是「非常特別」的比賽，指球隊會付出「多於100%的努力」，同呼籲球迷入場支持，又笑言「希望我哋比東方有更多支持者喺度」。