（獨媒報導）香港欖球隊昨日在南韓出賽時，主辦方亞洲橄欖球總會錯將國歌播成《願榮光歸香港》。立法會議員何君堯向《獨媒》指， 不滿領隊及球員當時「遲鈍到等於白痴」，認為聽到《願榮光》三秒後便應該有反應，「到50幾秒完全無反應喎，仲喺度聽緊喎，口中念念有詞喎」。他認為正確做法是「你應該要即刻出嚟整個T字，Stop! Stop! Suspend! Wrong song! Wrong national anthem! This is inappropriate!」，認為球員默許煽動、分裂，涉及國安層面，要求解散香港欖球隊 ，並由國安處介入揪出「內鬼」。
稱聽《願榮光》應三秒有反應
在昨日的亞洲七人欖球系列賽盃賽決賽上，香港迎戰南韓，亞洲橄欖球總會錯將《義勇軍進行曲》播放成《願榮光歸香港》。立法會議員何君堯向《獨媒》稱，認為事態嚴重、有辱國體。何續指，港隊並非第一次出賽，亦受港府資助，理應認識國歌，「嗰七八條友搭晒膊頭、互相攬住喺度，嗰50秒啊，嗰50秒嘅面部表情、身體語言完全係唔匹配㗎嘛，你哋第一次出去咩？」何況國歌亦不是首次在他們出賽時播放。
直播截圖
何君堯更不點名批評「尤其係嗰個香港仔」，「喂，你嗰50秒裡面完全無反應，係容許呢件事繼續咁羞辱自己本國，奏一隻……你自己唔係未聽過嗰隻黑暴歌啊嘛？一奏出嚟，三秒鐘已經有反應啦！我當你係遲鈍，三秒鐘應該有反應喇掛？到50幾秒完全無反應喎，仲喺度聽緊喎，口中念念有詞喎仲！」認為要內部跟進。
稱球員已犯死罪：成隊人無國家情懷
他指隊員「你喺球場上反應靈敏，但喺奏唱國歌嘅時候，遲鈍到等如白痴」，領隊「你應該要即刻出嚟整個T字，Stop! Stop! Suspend! Wrong song! Wrong national anthem! This is inappropriate!」他認為應進行內部紀律研訊，惟覺得無辯駁空間，「呢個已經係死罪，你哋成隊人完全姑息，冇呢個咁嘅國家情懷」。
直播截圖
何君堯認為，球員是默許煽動、分裂，「如果我要上綱上線」更是涉及國家安全，播放「黑暴」歌煽動獨立，認為解散球隊是「基本」。「哇，好嚴重啊，喺咁嘅情況上面，邊個攬你啊？第一件事係咪應該解散，呢個已經好基本，千祈唔好覺得好小事」，並稱國安處同須介入，「問齊晒呢10個8個代表團（成員），究竟你哋邊個人係內鬼啊？」
不信屬初級人員所為
對於主辦方指屬「初級人員」錯誤，何君堯認為播歌前應先經上級檢查，「唔會自己戇居居喺網上downlaod」，質疑行動不是初級人員所為，「我覺得無辦法相信，你侮辱咗大家智慧」。他相信事件有預謀，促請港府循外交途徑向韓國政府追究到底。