早前就有人說要「尋找一個肯為自己食M記的女人」，而家網上就有「一個肯為自己食M的男人」。最近網上瘋傳着一幅圖片，一名少女在社交網站寫上：「你係第一個會為咗我食月經嘅男人」，並附上他們的對話證明，更說：「我知你對我係真心，我愛你老公。」
年輕情侶，經常用老公老婆稱呼對方來加強甜蜜感覺，以及增加關係的存在感，已經是一種很虛偽的動作，而她更以對方願意食經血作為真心愛她的證明，實在幼稚（難道佢話願意食，就真係畀佢食？）。先不理會她的老公是真的食過，或只是信口開河，但我從事件還看到年輕一代越來越無底線的問題：底線下移、念頭失重、言論出位，當網絡成為生活一部份、資訊走馬看花時，人們都以「鬥誇」的方法去吸引目光，導致人們整體的行為與思考模式都被放大，簡單點說，就是「要上位就要比你更出位」。出位方法，層出不窮，「唔怕你唔信，只怕你頂唔順」。
而今次食月經真係頂唔順，雖然我就唔係好信那個19歲的金毛男真係食過，但我都想提醒佢：如果有一天你的老婆真的叫你食月經，就算食，也得注意衛生！皆因我問了關嘉美醫生，她表示：「食月經當然係唔衛生，因為好多細菌，但如果真係要食，最好煲煲佢，咁就安全啲。」
轉載自《新報》