有人話：唉，雖然入到港大，但係讀頹科。
有人話：唉，雖然入到大學，但唔係三大。
有人話：唉，入唔到大學，報ASSO算啦。
入大學，入大學，雖然我未聽過有人係唔想入大學，但當我反問：
噉你憑咩入大學？
入到大學想學到啲咩，得到啲咩？
唔少人都係支吾以對，或者啞口無言。至於答案？請由你自已去發掘。
「為學日益，為道日損，損之又損，乃至於無為，無為而無不為」。道家思想能夠令人心境恬靜，甚至有種「治癒系」嘅感覺。Anyway, 無論入唔入到大學，都應該學習道家，將心靈所負累嘅東西，各種偏執，不斷削落，不斷去除現實人性中的虛偽、造作、矜持。
面對放榜，面臨人生嘅一個轉捩點，我從來唔相信所謂「一試定生死」，出路絕不只有大學這一條，該如何走下去，由你決定。反正人生，就如區林所言，「無人知道邊個會笑到最後」。