事緣
無線新聞於10月15日拍攝到一段歷時４分鐘的片段，報道指公民黨成員曾健超疑遭警員拖行到暗角位被毆打。不過，無線由凌晨至傍晚，三度修改了報道的旁述，包括一度刪去最初一句「示威者被拳打腳踢」的旁白，令該片段聲帶留白了數秒。
這段曾三度修改的報道的演變過程：
第一版本：「到凌晨約三時，警方採取驅散行動，警方帶走多名示威者，其中一名示威者被多名警員，拖至暗角拳打腳踢。」
第二版本：「警員在不同位置將多名示威者制服，有帳篷被警方扯走。一名示威者雙手被綁上索帶，由六名警員帶走。警員將他抬起，帶到添馬公園一個暗角位，將他 放在地上，對他拳打腳踢。期間兩名警員離開，留下的警員繼續再用腳踢示威者。警員最後帶走示威者，整個過程歷時近四分鐘。」
第三版本：「一名示威者雙人被綁上索帶，由六名警員帶走。警員將他抬起，帶到添馬公園一個暗角位。警員最後帶走示威者，整個過程歷時近四分鐘。」
l最後版本：「警方凌晨在龍和道驅散示威者，有示威者被制服，雙手被綁上索帶，由六名警員帶走。警員將示威者抬起去到添馬公園一處地方，期間懷疑警員對他使用武力，整個過程歷時近四分鐘。」
無線名新聞部記者及主播發聯署信，對管理層手法表示遺憾。
新聞解毒短打：
草根.行動.媒體對於無線電視的傳媒操守表現實在哭笑不得。
點解？
對於刪文河蟹報導嘅指控，無線高層袁志偉咁樣解釋:「記者不能加任何主觀判斷或形容詞，涉及刑事罪行的報道更要小心，以免影響日後法庭審訊，構成妨礙司法公正。」
係囉，咁點解之前逢親有示威，就算後面幾百幾千人都和平而若有幾個人有較為強烈的訴求表現時，嗰陣無線高層又容許記者加咁多句子，形容到佢地全部都好暴力咁？？咁難道對方是小市民，無線就唔驚小市民俾人告時，會「影響日後法庭審訊，構成妨礙司法公正」？？？
算啦，我地明的，小市民無咁多錢和時間告無線大公司誹謗嘛，但係警務處可以囉。
話時話，咁無線的記者和主播又係咪好人?我地真係唔敢講囉，無線新聞的前工作人員，起碼一個邱松鶴加一個郭詠琴去左市建局,幫果啲強搶民産的工作做粉飾的公關功夫。咁這幾年，無線對於重建的報導，有無偏頗? 咁你話，如果係你做記者，你信能言善辯的前同事，還是信一個三唔識七講野又唔叻的基層市民??呢啲位，哽係基層市民蝕底啦 !
今舖差人揸正牌打人，打到連記者都吃胡椒吃催淚彈，所以記者都嬲埋啦。記者都係人，佢地判斷的方法不一定準確。所以，在政府和市民有矛盾時，其他市民想知真相，恐怕還得親身去下現場睇下，和現場的人(不論支持反對的人)傾下偈。就好似有位街坊特約記者，都落街試過傾，不如大家都參考下:
【支持，與之外:記旺角佔領區的平民】
【佔領一隅: 深水埗重建街坊VS旺角阿伯】
【昨天下午: 在佔領旺角現場與司機大佬一席話】