圖：蘋果日報
是咁的，之前有人話「 滬港通」係中央送俾香港人嘅禮物，因為懲罰香港發動佔領所以就唔開車。突然間中央轉軚開車咁其實滬港通想益邊個呢？
即係咁，係大陸買到假野容乜易呀，買到假奶粉就食到啲細路變大頭B（真心 sad），買到假股票咪分分鐘輸身家囉，咁係大陸假股票嘅情況係點呢？根據「民企之父」張化橋著作《避開股市的地雷》中提到： 「中國企業造假帳的比例非常高」...「 怎樣避開這枚地雷？替公司盤數打個折就是最審慎的分析方法：『先把官方數字砍一半』、『去年賺多30%、當作沒增長、甚至倒退』。」……即係話佢講賺100你當50計就差唔多……
至於點解可以咁假？張化橋老師嘅見解係：“「政府監管不力，甚至內地股市有官方慫恿、包庇公司假大空的行為，提供一次性的補貼、注入資產、重組業務，林林總總的掩眼法」
依家話要開條路話俾大家互通買賣股票就正如開大條路俾你互相買賣大陸同香港奶粉，精明嘅香港人會唔會9衝去買大陸奶粉？而之前行咗幾年嘅QFII（俾某啲外資機構買大陸A股）嘅 quota都未用晒咁即係證明外資買大陸股興趣唔大囉！
相反大陸可以開條路去香港買奶粉仲唔仆到去咩？咁你話依份禮物係俾邊個呢？有人講到大陸皇恩浩盪益我地不過係我地唔生性攪 wo 壇野真係唔知好嬲定好笑。
小心提防：11月17號開通嘅滬港通都係俾機構投資者玩先，如果第時開通到俾散戶玩，大家一定要千萬個小心踩中地雷！
討論專頁 聚言莊