仲記得點解今次咁多人走出來爭取民主嗎?
除咗因為催淚彈, 其中一個好大原因係社會環境出現轉變而產生極大民怨。
我地嘅新聞同言論自由開始愈來愈收緊, 社會競爭環境變得不公平, 我好讚成一個比喻: "香港正如一盤玩了50年的「大富翁」遊戲，所有產權產業早已落入其他玩家手中，年輕人踏上這盤遊戲中只是一群不斷交租、不斷交過路費" (許畯森﹕給唐司長的信)，最近甚至出現法治模糊化, 有人不斷係度話守法就係法治，點知俾教科書踢爆法治目的係守護公義。
種種嘅轉變其實就係我地香港嘅核心價值，核心價值如果無咗或者被人強行轉變好可能會為我地帶來滅頂之禍。
最近好似無咩人講核心價值係咩同點解重要，我就講下我讀書果陣阿 sir 教我嘅核心價值係點。
"每間公司都有唔同嘅成長背景同經歴，所以佢地都會練出一套屬於自己嘅武功，依套武功會隨住遇到唔同嘅情況而改進，不過有啲野一改間公司就會好大鑊，依啲野就係核心價值，一個經典例子就係 Parker 本來 sale 嘅係高貴形像鋼筆，80年代初公司生意一直唔好，後來新 CEO 上場為咗改善生意就改攻中低檔銅筆，點知佢原本嘅客覺得個牌子 cheap 咗而離棄佢，中低檔次又唔夠人爭攪到市場佔有率大跌後來仲俾人收購埋，依個就係改變核心價值嘅危害。"
佔領已經持續一段時間，有支持佔領嘅人開始唔耐煩而變到唔支持，亦有可能清場在即，無論今次事件結果係點，我都希望各位支持佔領，曾經支持佔領甚至從來不支持佔領嘅香港人可以記得同明白今次事件係為咗啲咩，我地要求民主就係要有個制度去令到我地有一個為香港謀求福祉嘅政府 ，依個政府應該令中央明白香港必需保持核心價值先可以發揮佢最大功效，香港能夠再次成為東方之珠對中國只會百利而無一害。
天佑香港!
小小的感想：有人話“大陸不斷進步緊，我地點解唔耐心啲等下？我對前景好樂觀“ 。不過如果要香港先攞走核心價值去等，其實等同先接受割脈再去等一個浪子回頭
討論專頁 聚言莊