今年參加馬拉松的你，有冇著大會提供既運動衫?
除左第一年，其後兩年我都冇羅到大會運動衫，一來唔同活動提供的大會衫已不經不覺塞爆了衣櫃；二來，練習時習慣左著自己運動衫，比賽既時候無啦啦換第二件衫硬係「周身唔聚財」，始終覺得要著返自己件「幸運跑衫」先可以完成比賽；三來，件衫既設計…. 個人認為真係有好大既進步空間呢….
今年比賽，筆者特別留意究竟有幾多人真係會著大會運動衫參加比賽，放眼一望，十個跑手只有兩三個，有時甚至十個當中全部都係著自己「私伙衫」。今年馬拉松有7.3萬人報名，即係至少印製左七萬幾件跑衣，但若果只有兩至三成人著，即係有成五萬幾件衫有可能俾參加者羅左之後塞埋左係衣櫃一角，又或者成件完封不動連袋都未拆就掉走左；如果你羅黎當睡衣或出街衫著都仲好D，只怕有部份人可能會羅去做舊衣回收，因為好多時回收公司都唔會收有活動名既舊衫，所以最後件衫係咪用得返都真係「凍過水」
岩岩收到馬拉松既問卷調查，所以想發起大家一齊係其他意見度反映「建議大會參加者報名時可選擇是否需要運動衫」，俾多個option跑手可以選擇唔要件運動衫，減少浪費，好過下年開始報名時，又有五萬幾件跑衫「下落不明」呢！