（獨媒特約報導）雖然現代香港的消費主義盛行，上一代人口中的「新衫三年，舊衫三年，縫縫補補又三年」的知慳識儉年代已經不復再，但在鬧市中仍可找到傳統手工補鞋舖。在美孚行人天橋樓梯底經營的「根記補鞋」，店面極其狹小，除了兩張櫈和一張工作枱外，其餘空間都放滿了補鞋用的材料和工具，以及客人寄放在店內待修的皮鞋、球鞋、行山靴等，幾乎無空間轉身。但這小小的補鞋舖，父子二人的手藝，卻養活了蘇家三代人。
由地攤到樓梯底
現任店主蘇永權指，根記的故事要由上世紀六十年代開始說起。當時權哥的父親跟造鞋師傅做學徒，學滿師後決定自己擺檔幫人補鞋。最初的檔口只是荔枝角灣沙灘(填海後變成了現時的荔枝角公園)旁的一個小地攤，後來被港英政府驅趕到舊荔枝角街市經營。但當時的舊街市環境不佳，最終租了這小小的樓梯底繼續營業。
重返根記
權哥表示，他小學四、五年班已經一邊讀書，一邊到根記幫手，做一些簡單的工序，「連暑假都冇得放」。直到中四，權哥為了準備應付會考，才停止到舖頭工作。會考過後，他也沒有回到根記的念頭，想要出外面闖，最後在印刷廠找到了一份穩定的工作。
權哥在印刷廠一直工作了六年，但為了父親，最後揀選了重拾補鞋的手藝。九十年代初，權父患病，家人都勸他放下根記，好好休息，但他卻堅持他的補鞋工作。權哥說：「呢度就好似係佢建立的事業，所以佢唔係好捨得。」權哥為了減輕父親的辛勞，決定辭去印刷廠的工作，回到根記重當父親的助手，兩年後更正式接手經營。
補鞋匠如醫生
雖然權哥接手根記的時候已經斷斷續續累積了八年的補鞋經驗，但他當時的手藝仍未純熟，不少工序都需要父親繼續指導。權哥形容，客人帶來的鞋每雙都不盡相同，補鞋的工作「冇一個傳統方法」，亦總會遇見不少「奇難雜症」：「好多補鞋既方法，或者係一啲橋妙，都需要一路去做，一路去搵……補鞋需要既創意其實好大。」「有陣時同客人講要一段長時間先可以交貨，但其實係用左好多時間去諗(點做)。客人黎攞既時候，我實際可能只係做左一兩日就做好。」
經過二十多年為街坊街里補鞋的歲月後，權哥自問「唔覺得有咩鞋爛左，拎到黎係整唔到！」。但除了補鞋的手藝外，他對鞋的尊重亦很值得欣賞：「(補鞋匠)好似做醫生咁，當啲鞋係有生命既，我一定會盡自己既方法救佢。但當然客人會根據對鞋既價值有幾高，先會決定救唔救佢；但係站在我既立場，唔會理對鞋既價值有幾高。」
倆口子的根記
根記除了權哥外，還有他的太太在這裡工作。他倆口子每天就隔著一張工作枱，面對面為鞋縫線、上油。權嫂原本做會計，但眼見權哥一個人在補鞋舖工作太辛苦，「連廁所都冇得去」，所以毅然放棄工作，到根記幫手。她笑言：「嫁得俾佢，就跟佢喇！」
雖然夫婦二人為了補鞋舖，都放棄了原來的職業，但權哥表示，補鞋的收入其實和當初夫婦兩人的收入差不多。他們倆口子當時最要衡量的，其實是工作本身的厭惡性：「補鞋成日都反起鞋底對住自己，會有衛生問題；或者係啲油同啲皮既味對自己既健康有冇影響，好多野要計落去，諗下係咪適合我地做……但做落覺得都可以應付到既，問題都可以克服到，又唔係咁差咋喎！」
補鞋業的真正困難
雖然對比起根記開業初時，社會的消費主義濃烈了很多，但權哥認為，這轉變沒有令補鞋生意越來越難做，只是不同時代的客人有不同的要求。「以前既客人好同你bargain啲價錢，同埋好挑剔，好吹毛求疵；而家啲後生仔黎補鞋，通常消費能力比較高，要求既材料都比較靚，甚至會有人要求預早保護定對新鞋，做個預先既保養。」
權哥表示，材料和工具的短缺才是香港補鞋業面對的真正困難。「香港既製造業已經冇左，鞋材既供應唔可以太全面，以前好簡單係砵蘭街、大南街已經可以搵到我地需要既供應商。」權哥表示：「依家唔得喇，好多都已經返左大陸、老人家退左休，或者已經倒閉左。依家要上廣州搵，用多好多時間。」
社會係咪仲需要我地既手藝呢？
回望過去，權哥坦承若可以重新選擇，未必會再當一個補鞋匠：「始終手工藝係靠人手賺錢，每日可以補到既鞋好有限。就算生意多左，你只可以選擇加長工作時間……細細個已經冇星期六放，而家更加困身，好羨慕人地星期六可以休息。自己有好多興趣，好似攝影、行山咁，都冇時間做。」
問到是否希望補鞋的手藝可以傳承下去，權哥嘆道：「有時候會諗，時代轉變，社會係咪仲需要我地既手藝呢？好多人從來都唔補鞋，年年買新鞋都一樣咁樣生活……我兩個女佢地都未必會想學，自己亦都唔想佢地以呢行維生。」他最後表示，若有有心人想學，他亦願意把自己廿多年的補鞋經驗傳授出去。