立即捐款

Jimmy Lam

八十後 Freelance Photographer 網誌

政經

回應獨媒作者張靈——肖友懷悲劇:香港人也有面目可憎的一面

回應獨媒作者張靈——肖友懷悲劇:香港人也有面目可憎的一面
廣告

廣告

其實你真係好轉移視線,你既第一點綜援,今次呢單野睇返網上好多人都唔係執呢一個點黎鬧,只係以事論事,佢真係犯法,佢真係用人地身份黎香港住公屋,呢D都係不爭既事實,鬧一個做錯事既人有問題?正正因為係小朋友更要俾佢知自己錯咩,唔鬧大聲D佢都唔會聽到因為佢身邊既人都會話佢知佢做得O岩!!!小朋友係要教的,請不要做怪獸家長盲目支持小朋友。

第二點居港權就更好笑,呢個已經係不爭既事實就係唔係香港人非法居留同用假身份偷渡香港,點解要可憐佢俾大愛佢??你話不少香港人已未審先判和人身攻擊,還有各種陰謀論搶資源論,未審先判咩??即係佢自己話自己用假身份黎香港,過期居留係假的??佢係自首啊.....我地係就住佢自首既點黎批評佢不法既行為而已,點樣未審先判,至於人生攻擊??即係佛都會有火何況人??不過如果你要攻呢一點,我覺得你同鬧人講粗口要話俾老師知既人冇咩分別,不過肥算唔算人生攻擊有待商討,起碼我作為肥仔我唔覺有幾人生攻擊。至於搶資源論,即係佢住香港難道會唔用香港資源?唔係咁奇幻潮下嗎,單係對早九年佢已經住梗公屋,點唔係用香港資源??如果讀埋書就九年免費教育,又點唔係用香港資源?

重點係,你不能不承認,香港人口早已經爆炸吧,地少人多,香港人口密度爆炸早已經係世界聞名,香港人一向好有愛,但前提係唔傷害到自己為前提,而家香港既情況就好似一隻坐20人既救生船,海上面有第二十一個,你又會唔會俾佢上船??做人唔好咁虛偽得嗎??就算你真係聖人上身俾佢上,你即係傷害梗其他19條人命,你咁做又公平咩??當然我相信那19人會推你落船先。

愛,有先後次序的,請給我個理由不先愛水深火熱的香港人而去愛一個犯法的過期居留者??

如果你係咁大愛,件事係應該送佢返大陸,搵人照顧佢,俾教育同福利佢,你應該返中國爭取人人有書讀人人有福利,而唔係拎一D唔係你既野拎香港人既福利黎派俾人黎自我滿足做英雄或者拎政治利益,你幫左一個人,即係另一個人就會失去佢本身應有既野,不過係你地只睇到眼前既「可憐」而睇唔到更多沒浮上枱面的可憐而已。

可能我地鬧人時,真係面目可憎,不過帶住人皮面具扮好人自以為聖人既人,心靈上更可憎!!!

廣告