（Photo by Anne Geddes）
因為最近朋友的facebook status，看起來令人冒火，忽然記起一段幾年前跟私影影樓老闆的對話：
我：「都唔明，你呢度點解可以咁好生意，幾舊水黎影條女，仲要六七八友人黎影一個。」
老闆：「龍哥，唔好扮純情喎，你估黎影相班友真係為影相咩，個場又唔係大，行到咁近都要用到80-200 Zoom盡黎影，Marco埋呀笨，影咩呀？心照啦， D Model肯除多D衫，生意咪好D lor。」
作為一個老男人，當然無咁純情，只係唔明：「你呢度咁貴，幾舊水影一影，影一次都可以襟鐘仔啦，影得十次八次，正正經經上東莞包埋來回車費打埋邊爐都有找啦，係度齋睇，儍的嗎？」
老闆：「梗係唔同啦，你話上東莞話俾人聽，幾cheap？襟鐘仔就更加唔好提啦，唔通襟完仲敢放facebook同人share咩，唔係個個都可以咁坦蕩蕩架嘛，而家唔同喎，話上影樓影相喎，用鏡頭同光影，捕捉少女既風姿綽約喎，高級幾多？」
OK，你啱！
老闆：「仲有，呢批唔係職業女性喎，又夠 young，多好多幻想架麻，有得幻想，又有得扮上等人，咁都要俾錢架！」
得，老闆你又贏。
我想講，無論用什麼廣告文字包裝，講到件事幾藝術，幾建康，或者用學術的文字講到件事幾解放，大部份麻甩佬，其實都係好簡單的，就好似今次書展，六歲小妹妹本寫真集一樣。
有兩班完全唔同類別既朋友令我頭都激穿：
第一班：忽然道德L上身
平日網上言論（只係網上啫，真人其實都好鵪鶉）毒舌到嚇親細路女都要話個細路女抵L死，見到中年婦女跳舞就小９話咁L樣衰學乜人跳舞既朋友，突然間女性主義者上身，忽然正義到要為個細路女申寃。
做人既道德L都係一貫D好，你講得細路女係弱勢，無辜，要保護，個攝影師，老母等等人正一「你老母」的時候，咁你地之前又追打個「犯法咁又點喎」既細路女？
咁精神分裂，我真係唔知講乜好。
第二班：忽然無知L上身
呢班仲吹漲，唔好同我講本寫真集係講賣萌，睇唔到有問題，更加唔好同我講Sally Mann影的都係一樣，咁樣講，你一係無知，一係就鳩講，講到咁盡唔啱話Anne Geddes影的都係一樣呀笨？
唔好當我地呢班做職業既影相佬係廢柴，老細俾個乜指示，我地基本上都係要影到的，你話要影到似BB，我地就影到似BB，老細話要影到似AV，你俾個BB我我都有本事影到似AV。
鏡頭語言其實係好赤裸的，唔駛用咁多語言解讀，唔駛露點架，有一D畫面，透過注入攝影元素（如雪糕，水樽或花瓣），加埋用光，神態捕捉，焦距構圖，同埋後期 的color tuning，就可以好輕易咁令有興趣既人一睇就知係咩野一回事，呢個唔係讀者眼光淫唔淫既問題，作者已死呢D咁L深既野留底係學院慢慢吹，腳踏實地既世 界係，如果作者已死，咁成個世界就唔駛再影廣告相，亦唔駛請咁多明星做廣告主角，反正讀者會有自己既解讀，咁，用周潤發同用長毛拍鐵達時廣告都係一L樣啫。
有一D野，有好多灰色地帶，呢點係同意的，但一去到兩極，就無灰位了，我一開始講那些靚模，話晒都有十三四五六歲，講 主體性就差唔多，我亦唔會污名化佢地或者佢地既家長，最多話D龍友咸濕，但而家呢個，六歲呀！如果咁都唔知乜事，自已上網search幼幼網站，睇下D 站長description同狗公留言先啦，睇完先翻來講只係讀者意淫。
亦唔好話將件事色情化只會為個細路女帶來傷害，又話要將件事正常化盛盛，如果係咁，不如爭取取消所有保護婦孺的條例啦。女性主義點會係咁讀架？正是現今世上本來就有兩性的不平等同差異嘛！這些差異並不會因為一些論點而改變呀！平等係靠實踐出來，而唔係靠吹出來的。
更加唔好話乜乜「只會邊緣化孌童者」，呢個講法痴總制的，性偏好無問題，但基於雙方或多方平等是底線嘛等，SM都要一個願打一個願捱，孌童擺明係大蝦細俾屎 餵，今次仲要搞到六歲，發神經的嗎？如果要追求平等世界的話，孌童者本來就係要被邊緣化，正如種族歧視者和納綷黨本來就應該要被邊緣化一樣。
延伸閱讀：
鏡頭語言：