圖：2013年朝鮮(北韓)足球聯賽鯉明水體育團 vs 鴨綠江體育團 ，7萬人於金日成競技場收看此賽事，金正恩亦到場觀戰了。（從視頻上睇金正恩出場似剪輯上去，但，是旦啦...真定假，只有金正恩知...）
網上資料稱，朝鮮(北韓)足球聯賽球隊新義州火車頭（現稱機關車體育團）隊中曾出現一位「香港球員」，名叫祝文。但由於朝鮮足球聯賽資料太少，即使有都唔可以確實真偽性，究竟新義州火車頭中是否有香港球員效力過，冇人知，可能係真，亦可能係假。
由於新義州近中國，有唔少華人前來搞生意，傳說新義州火車頭因此時有華人球員身影，因與生意來往有關，新義州火車頭只係比中港商人閒時鬆鬆腰嘅球隊，即是商人球隊。當然啦，真假冇人知，就算今日外界發佈嘅相關朝鮮(北韓)消息，都冇人肯定真偽，何況朝鮮(北韓)國內足球聯賽過去及現在？
外人想知朝鮮(北韓)球隊全陣容十分困難，能夠肯定大同江啤酒成為朝鮮(北韓)足球聯賽指定贊助商已是世紀大發現，昔日有冇香港人於朝鮮球壇混過，就只能列作一個傳說了。