王晶將港人奚落到豬狗不如，但係俾幾個大 cast 你，啲人又會忘記得乾乾淨淨去捧場，賭城風雲又準備榮膺香港最賣座電影喇。
如果你認同王晶嘅奶共政治觀點而去捧場，我無話可說，只可以講尊重你嘅自由意志，但係如果你都頂唔順王晶，不過又話娛樂唔應該政治化，咁我可以同你講，689就係睇死你班港人政治思維低B，無論佢點打柒啲市民都好，只要立會選前派兩粒糖，跟住話一帶一路有好多項目簽約，大家要經濟同政治分開，咁啲人又會好開心去行山去旅行，唔記得去投票喇，咁建制啲鐵票種票咪自動佔大比數囉，立會席位冇有怕。
既然無論點奚落、點濫權、點當港人豬狗不如，立會席位都唔會失，咁689又點會手軟呢，佢都要向阿爺交差㗎。
睇唔睇王晶，係你嘅自由，不過唔好同我講娛樂唔應該政治化呢啲廢話，689有幾狼，你一點一滴嘅消費行為就係俾膽佢去狼！