我們應該是有過相同價值觀，才會成為朋友的。但今天，我們各走兩方。
當天雨傘革命完結，和平抗爭以失敗告終，已能預知民怨未解決，必以暴力決戰。昨日大年初一，就先來一單防暴警察vs小販。畫面，其實很可笑。
訴諸暴力從來都不是香港人要的。我們要的是一個自由民主的環境，是一個有邏輯有道德有情的社會。現在的社會呢？沒有邏輯的自己方式返大陸，沒有道德地過網絡23條二讀，收窄言論自由，沒有情般趕絕新年小販…… 還有不合理的高鐵超支，喂我地俾錢架，俾人任攞!
出得黎既人，為既係咩? 社會公義是甚麼? 小販賣魚蛋，市民拮魚蛋。食環係要與民為敵。身為小市民，你可以點??? 跪? 求? 然後呢? 做唔到任何效果，因為而家個政府完全唔理，我要咁就咁，我想點就點，呃都唔使呃。於是，迫到部分市民訴諸武力。我明。
警察，建制派。佢地聽order做野，為名為利為錢，泯滅良知。用棍，用胡椒噴霧，用催淚彈已經司空見慣，大年初一二，終於出槍。有得打，唔係唔打呀？昨晚警察之多，合理拘捕的話大家都無聲出。問題是他們的手法是追著示威者亂棍毆打。「警察都係人」對不起，警察執法時不是人。所以他們才可以拿著槍，以最高情緒規範維護社會安全。建制派受薪，生意官商勾結。人係自私的。我都明。
但你，沒有利益輸送，甚至個政府仲搶緊你錢; 想安居，但無論你俾幾多心機，上樓難過登天; 想上網睇下搞笑野，網絡23條就黎封鎖二次創作; 你買本所謂大陸禁書，可以無啦啦消失…… 你諗住唔理政治就唔關你事，但係今日係魚蛋都唔俾你食。有人話你乖乖地留係屋企咪無事囉。咁你係咪可以一世留係屋企? 係咪留係屋企唔出聲唔反抗就係做緊啱既事? 示威者用武就犯了天大的法，警察濫用職權使用暴力，就是理所當然。你地諗既，我唔明。
朋友想開studio教跳舞教畫畫，最大難處係租貴。一對夫妻結婚數年都未一齊住，女仔只能打份part time，唔好過入息上限排公屋。為夢想打份設計工，要捱低收入政府帶頭開500蚊一日拍片……
所有事都係一件事。
你活得沒有尊嚴。
你活得沒有底線。
造成今日既暴亂，最大既助力，不是香港政府，不是中共，不是示威者，而是從事一開始就與政治劃清界線的，向權力靠攏的，你們這群
港豬。
我衷心期待，你們被屠宰的那天。
放心，我們還是會繼續承受責罵，為你爭取應有權益。
容迪
9/2/2016