CP打電話給我，說有些關於買賣基金的事想我給意見，我當然喜歡，事關我正想問他對旺角事件的看法。「果日我唔駛上陣，但我有睇住電視直播。」CP說。我半嘲笑的反問：「咁咪同你大老闆no way聰一樣？」
「條友果晚都唔知喺邊，記者會仲話咩『警隊表現克制』，X，打輸就打輸啦！指揮果個又廢，backup既然未到，就叫啲伙記解散先啦，仲咩要前線留喺度畀人打。所以我以前師傅話，紮職係講識唔識擦鞋，而唔係講能力，真係冇錯！」CP明顯有怒氣。
我之後問他開槍的問題。
CP說：「其實最好就係放催淚彈，不過啲高層驚畀輿論話，所以喺佔領後期開始咪只可用警棍囉。催淚彈唔係生化武器，我哋啲伙計training時都吸過，但因為少用所以變到好大件事咁。
至於開槍，我覺得當然可以開，因為當時係明顯有警員受到生命威脅，但啲大sir撐唔撐你開又係另一件事。旺角單嘢單嘢完咗，有個高層同我咃講『喺合理情況下可以開槍』。我X你咩？阿慈，你明唔明，佢咁講即係鑊就你孭，關人X事！正所謂『你有你死，我有我返屋企』，畀人打果個又唔係佢，佢實冇所謂㗎。」